Noontime show nina Luis at Melai papalit sa Tahanang Pinakamasaya?
Luis Manzano kasama ang mga naging co-host ng ‘It’s Your Lucky Day’
TOTOO nga kaya ang chika na ang noontime show ng ABS-CBN na “It’s Your Lucky Day” nina Luis Manzano at Melai Cantiveros ang papalit sa “Tahanang Pinakamasaya”?
Yan ang feeling ng mga netizens nang bumandera sa social media ang video ni Luis, kasama si Melai at ang iba pa nilang kasamahan noon sa nasabing programa.
To refresh lang your memory, ang “It’s Your Lucky Day” ang pansamantalang pumalit sa “It’s Showtime” nang ma-suspend ito ng Movie and Television Review and Classification Board (MTRCB) dahil sa ilang violations.
Nagkaroon nga ng reunion ang mga naging hosts ng “It’s Your Lucky Day” base na rin sa Instagram post ni Luis nitong Lunes, March 11.
Makikita sa video ang co-hosts ni Luis na sina Shaina Magdayao, Negi, Jennica Garcia, Melai Cantiveros, Long Mejia, Francine Diaz, Seth Fedelin, at Robi Domingo.
Baka Bet Mo: Rendon nachakahan sa Tahanang Pinakamasaya: Lalo kayong pagtatawanan ni Joey
“Bakit kaya magkakasama kami ulit (laughing emojis). Hey hey!” ang sabi ni Luis sa caption.
Base sa napanood naming video, mukhang nasa set sila ng “I Can See Your Voice” na hino-host din ni Luis kung saan kasama rin niya sina Negi, Long at Jennica bilang Sing-vestigators.
View this post on Instagram
Ayon naman kay Long, dapat abangan ng madlang pipol ang kanilang pasorpresa dahil malapit na malapit na ito.
Ang tanong ng mga Kapuso at Kapamilya, posible nga kayang ang “It’s Your Lucky Day” ang pumalit sa “Tahanang Pinakamasaya” na tuluyan nang namaalam sa GMA 7 noong March 8?
Ayon sa ilang comments na nabasa namin sa social media, pwede naman daw ipalabas sa GMA 7 ang dating noontime show nina Luis at Melai dahil usung-uso na ngayon ang collaboration.
Baka Bet Mo: ‘Tahanang Pinakamasaya’ tsinugi na sa GMA, ‘TictoClock’ ang ipapalit?
Tulad na lang ng pagpapalabas ng “Showtime” sa GTV. Narito ang mga comments ng netizens.
“Parang ito ang kapalit ng tahanang pinasaya.”
“Nangangamoy it’s your lucky day comeback.”
“Bakit wala sina Kyle and Andrea?”
“Hopefully bumalik na talaga!!! Sobrang saya ng show.”
“Dapat ibang time slot. Kasi kapag nagkataon, magkakatapat sila ng It’s Showtime.”
“Ang ganda ni Shai! I miss her kuya Lu! Syempre na miss ko din kayo sa Studio those were the days.”
“Kung magbabalik man Ang it’s your lucky day Sana host din si @blythe and @kyleecharri.”
Oh well, wait na lang tayo sa mga next plot twist sa mundo ng telebisyon. Knows n’yo naman everything is possible na ngayon sa mundo ng showbiz.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.