Gabbi, Mavy binalaan ni Melai sa bashers: Grabe sila, magpa-NBI rin kayo

Bianca Gonzalez, Melai Cantiveros, Gabbi Garcia at Mavy Legaspi

MAGKAHALONG kaba at excitement ang nararamdaman ni Bianca Gonzalez sa nalalapit na pagsisimula ng “Pinoy Big Brother Celebrity Collab Edition”.

Isa na naman itong historic collaboration sa pagitan ng GMA Network at ABS-CBN kung saan ang mga papasok na  housemates sa Bahay ni Kuya ay manggagaling sa Star Magic at Sparkle Artists Agency.

Ayon kay Bianca, sa naganap na mediacon ng pinakabagong edition ng “PBB” na mapapanood sa GMA 7 at sa iba’t ibang online platforms ng ABS-CBN simula sa March 8, ibang-iba ang magiging audience nila this time.

“It’s an entirely different audience. But I would say, 50 percent excited, but 50 percent nervous. Nervous, because it’s an entirely different audience.

“Paano kami tatanggapin ng mga Kapuso loyal fans? Will they like the format? Will they like our storytelling?” aniyab pa.

Nagpasalamat siya sa mga Kapuso stars na sina Gabbi Garcia at Mavy Legaspi na makakasama nila bilang karagdagang host ng iconic reality show.

“That’s why we super appreciate that Gabbi and Mavy are joining us for this season kasi sa kanila mas pamilyar ang mga loyal Kapuso fans,” sey ni Bianca.

 

View this post on Instagram

 

A post shared by Bandera (@banderaphl)

“This is the first time in history na Pinoy Big Brother will air on GMA, so ‘yun pa lang napakalaking bagay na. Honestly, I’m, as everyone here is, so excited,” dugtong ng host.

Makakasama rin nina Bianca, Gabbi at  Mavy bilang hosts ng show sina Robi Domingo, Kim Chiu, Enchong Dee, Melai Cantiveros-Francisco at Alexa Ilacad.

Samantala, may paalala naman si Melai kina Gabbi at Mavy bilang mga bagong host ng “PBB” lalo na sa matinding bashing na posible nilang maranasan sa social media.

“Reminder din ito kay Mavy and kay Gabbi, because pati mga host, pine-pressure din ng mga basher. Be ready lang kayo, kasi grabe talaga sila. Magpapa-NBI na rin kayo,” paalala ni Melai.