Kitkat tawang-tawa sa pakikialam ni Gene Padilla: Sa ‘kin umepal ka rin dati!
Kitkat, Dennis Padilla at Gene Padilla
NAGING laughing stock ngayon ang kapatid ni Dennis Padilla na si Gene Padilla dahil hindi naman pala siya imbitado sa kasal ng pamangking si Claudia Barretto kay Basti Lorenzo pero kung maka-comment ay akala mo kung sino.
Bulls-eye kay Marjorie Barretto, mother of the bride, ang komedyanteng si Gene sa panayam niya sa vlog ni Ogie Diaz kamakailan.
Kuwento ng nanay ni Claudia, “Ano ba ang nira-rant mo Gene? First thing first no offense, you were not invited to the wedding, si mama (ex-mother in law) lang at si Dennis.
“Imbes na pinahinahon mo ‘yung kapatid (Dennis) mo, finuel mo pa, eh. Mas charged daw siya ang kuwento ng mga pamangkin ko, ‘siya pa (galit), si kuya walang role, walang ganyan. Ina-agitate mo pa.
“Alam mo bigla kang nag-post, it’s just so, hindi ka invited Gene, eh. With all your due respect my daughter has no recollection of you. Wala kayong naging relasyon,” ani Marjorie.
Nabasa naman namin ang post ng komedyanang si Kitkat dahil may karanasan din pala siya sa kapatid ni Dennis.
Kinlaro muna ni Kitkat na wala siyang pakialam sa eksena ni Dennis sa ginanap na kasal ng anak kundi si Gene lang ang gusto niyang pag-usapan.
Ni-repost ni Kitkat ang art card na may larawan ni Marjorie na kuha sa panayam ni Ogie at ang larawan ng magkapatid na Dennis at Gene na kuha sa loob ng simbahan.
View this post on Instagram
Actually, natawa rin kami sa post ng aktres.
“Sorry di ko napigil… tawang tawa lang ako dito….(laughing face emoji).
“FYI : wala ako paki sa mga eksena… natawa lang ako kasi nasopla si Gene…
“Di ka naman pala invited kasi Gene ha ha ha.
“Well sakin umepal ka din dati, ikaw na pinag simpatyahan ko… pero gumatong at nakipag kampihan ka pa du’n sa umaway sa kin! Hahaha katatanda at kalalaki nyong tao pinagkaisahan n’yo ko! Tsk tsk tsk.”
Nasa interesting stage na raw noon si Kitkat nang gawan siya ng hindi maganda ni Gene Padilla.
“P.S. DI KO MAKAKALIMUTAN YUN AT BUNTIS NA AKO NON! Hilig nyo manakit ng damdamin ng Babae, Bata, ng Kapwa!” sabi ng komedyana at host.
Nasambit tuloy ni Kitkat na bagay kay Gene ang pelikulang “Uninvited” ni Ms. Vilma Santos. Aniya, “makanuod nga nu’ng movie na “UNINVITED.”
May mga nabasa kaming komento sa post na ito ni Kitkat mula sa netizens at hindi na lang namin isusulat.
Anyway, bukas ang BANDERA sa panig ni Gene.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.