Nadine Lustre sinupalpal bastos na netizen; basher natakot mademanda

Nadine Lustre

Trigger warning: Mention of rape

HINDI pinalampas ng actress-singer na si Nadine Lustre ang isang netizen na nag-post ng “below the belt” comment tungkol sa kanya.

Sa isang Instagram post ng award-winning actress, ibinahagi niya ang ilang litrato ng bonding moments ng kanyang boyfriend na si Christophe Bariou.

Kabilang na rito ang mga sweet photos nila together na kuha sa isang photo booth sa isang event para sa vegan milk brand na dinaluhan nila kamakailan.

Maraming netizens ang nag-comment ng positive vibes sa IG post ni Nadine. Sabi pa nga ng ilang fans ng aktres, susuportahan nila nang bonggang-bongga ang naturang produkto.

Pero may isa ngang IG user na nagkomento ng hindi maganda at kadema-demanda. Ni-repost ni Nadine sa kanyang IG Story ang super hate comment ng bastos na netizen.

Mababasa sa screenshot na ibinahagi ni Nadine ang komento mula sa IG user na si  @juncarzcruz ang mga katagang, “Sana ma-r*p* ka ng adik.”

Hindi na mababasa ang naturang comment sa post ni Nadine pero na-screenshot na nga niya ito at ni-repost sa kanyang IG Story.

Ang mababasa sa text caption ng dalaga, “One of the many that did not pass the vibe check.”

 

View this post on Instagram

 

A post shared by Nadine Lustre (@nadine)

Agad namang ipinagtanggol si Nadine ng kanyang mga tagasuporta at tinawag pang bastos at duwag ang netizen dahil nga binura nito agad ang kanyang comnent.

Reaksyon ng isang fan ni Nadine, “Bakit dinelete yung comment? Takot makasuhan?”

Feeling ng fans ni Nadine, supporter ni dating Pangulong Rodrigo Duterte ang naturang netizen. Ito’y matapos nga ang lantarang pagsuporta ng dalaga sa pag-aresto kay Digong.

Nag-share kasi si Nadine ng isang placard kung saan nakasulat ang pangalan ni Duterte sa isang checklist na may nakasulat na “Collect them all.”

Nasa listahan din ang Russian President na si Vladimir Putin, at si Israeli Prime Minister Benjamin Netanyahu.