Bagong COVID-19 Omicron strain na ‘BQ.1’ nasa Pinas na, 14 positibo
INQUIRER FILE PHOTO
MAY bagong strain ng COVID-19 Omicron variant ang binabantayan ng Department of Health (DOH).
Ito ang tinatawag na “BQ.1” na mas nakakahawang klase ng virus, ayon sa DOH.
Ika nga ni Health Undersecretary Maria Rosario Vergeire sa bagong strain, “more transmissible and highly immune evasive” kumpara sa mga naunang Omicron sub variants.
14 cases na ng bagong strain ang naitatala sa ating bansa.
Wala pang kumpirmasyon mula sa DOH kung ang mga kaso ay nanggaling sa mga foreign travelers o returning overseas Filipino workers (OFW).
Pero ayon sa ahensya, 13 sa mga kaso ay “local transmissions” na nanggaling sa Metro Manila, at sa mga rehiyon ng Cordillera, Ilocos, Calabarzon at Central Luzon.
Ipinaliwanag pa ni Vergeire na ang mga bagong variants ay parte na ng “life cycle” ng COVID-19 virus.
At ito, aniya, ay magpapatuloy hanggang mayroon pang mga “hosts” o ‘yung mga taong hindi pa nakakapagpabakuna laban sa virus.
Paalala ng Health Undersecretary, “We should always practice our minimum public health standards pati na rin po ang pinaka importante, magpapabakuna tayo, so that we can be protected especially against these variants.”
Nauna nang nagbabala ang World Health Organization (WHO) na isang “variant of concern” ang BQ.1 at kasalukuyan na itong kumakalat sa 29 na bansa.
Samantala, as of November 25, Ang active cases ng COVID-19 sa bansa ay nasa 17,945.
Karamihan sa mga kaso ay nasa Metro Manila, CALABARZON, Central Luzon, Western Visayas, at Central Visayas.
Related chika:
Vilma Santos tinamaan ng ‘long COVID-19’: Kahit anong ingat na po ang ginawa ko…
Mas nakakahawang COVID-19 Omicron ‘XBB subvariant’, ‘XBC variant’ nasa Pinas na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.