Glam team ni Maris ‘naloko’ rin umano ni Anthony: ‘He’s single, ‘yun ang chika’

Maris Racal, Anthony Jennungs

TILA pati ang glam team ni Maris Racal ay naloko at napaniwala rin umano ni Anthony Jennings.

Ang sinabi raw kasi sa kanila ay “single” ang aktor at recently lang nila nalaman na may isyu na pala.

Ang pagbubunyag na ‘yan ay ibinandera ng celebrity stylist ng aktres na si Adrianne Concepcion matapos linawin ni Maris ang viral screenshots na ipinost ng ex-girlfriend ni Anthony na si Jam Villanueva.

“Single — ‘yan ang pagkakaalam naming lahat,” bungad ni Adrianne sa Instagram Story.

Sey niya, “Ang mga detalye ng panloloko at pangangaliwa, nalaman lang namin kasabay ng publiko.”

Baka Bet Mo: Xian Gaza kinontra si Maris Racal: Hindi totoo na alam ni Rico

“We had no knowledge, no consent, or have condoned to any wrongdoing. And that is our truth,” lahad pa niya.

Kasunod niyan ay sinabi rin niya na naninindigan siya sa lahat ng kababaihan na dumaan sa anumang uri ng ghastlighting, panloloko at pagtataksil.

“That is something I have never enabled, and will never approve of,” giit niya.

Mensahe pa niya para kay Maris, “Mahigpit na yakap. Alam namin ang katotohanan, and we will rally behind you.”

PHOTO: Instagram Story/@adrianneconcept

Tulad ng celebrity stylist, nagpaabot din ng suporta ang makeup artist ni Maris na si Jay Salcedo.

Ayon sa kanya, wala silang kaalam-alam sa tunay na relationship status ni Anthony.

“We were just as clueless as everybody else. He’s single. ‘Yun ang chika to everyone,” kwento ni Jay.

Wika pa niya sa IG, “Hugs, Maris. We know the truth.”

PHOTO: Instagram Story/@jaysalcedo_

Magugunitang humarap rin sa publiko si Anthony upang humingi ng tawad sa kanyang ka-love team, pati na rin sa dating dyowa na si Jam.

As of this writing, wala pang komento o reaksyon si Jam sa naging mga pahayag ng on-screen partners.