Maris, Anthony magkasama uling lumantad sa publiko, fans na-excite
Anthony Jennings at Maris Racal
MAY mga natuwa pero meron ding nam-bash sa magka-loveteam na sina Maris Racal at Anthony Jennings nang muli silang lumantad na magkasama sa publiko.
Iba’t iba ang naging reaksiyon ng netizens nang magpakita uli sila sa madlang pipol sa fan conference at mall kahapon, January 7, para sa pinakabagong teleserye ng ABS-CBN na “Incognito.”
Kasabay nito ang pagiging top trending topic na naman sa X (dating Twitter) ng
pangalan ni Maris dahil sa dami ng mga nag-post ng litrato at video nila ni Anthony na kuha sa nasabing event.
Baka Bet Mo: Daniel gustong paandaran ang tatay: Malamang panis siya sa ‘kin!
Kasama sina Maris at Anthony sa cast ng “Incognito” at ito ang unang pagkakataon na muli silang nakita ng mga tao na magkasama matapos ang kinasangkutang cheating scandal halos isang buwan na ngayon ang nakararaan.
View this post on Instagram
Sa katunayan, hindi rin sila nakasama sa promo ng kanilang MMFF 2024 entry na “And The Breadwinner Is…” na pinagbidahan ni Vice Ganda dahil sa paglalantad ng ex-GF ni Anthony na Jam Villanueva sa ginawang panloloko sa kanya ng magka-loveteam.
Base sa nakita at napanood naming mga photos at videos, nakasama nina Maris at Anthony sa nasabing fan con ang iba pang cast members ng “Incognito” kabilang na sina Richard Gutierrez, Baron Geisler, Kaila Estrada, Ian Veneracion at Daniel Padilla.
In fairness, parang walang pinagdaanang iskandalo sina Maris at Anthony na magkatabi pang nakaupo sa stage. Komento ng ilang netizens, ganu’n daw kadaling naka-move on ang dalawang Kapamilya stars sa kinasangkutang kontrobersya.
Sa isang bahagi ng video na napanood namin, natanong ng host si Maris kung ano ang tinatarget niyang goal para sa sarili na nais ma-achieve ngayong 2025. Tugon ng dalaga, “To be stronger!”
Narito ang ilan sa mga nabasa naming comments mula sa mga netizens tungkol sa muling pagharap nina Maris at Anthony sa publiko.
“Good job Maris!”
“Move on na kau ,2025 na!”
“Wla akong pake sa personal issue ni maris. Di maitanggi ang galing nya sa craft nya.”
“Goodjob maris and anthony..go lng..wag pansinin mga bashers na mukang demonyo.”
“Pasabog Ang incognito at Ang gagaling ng mga casts. Pangworld class Ang aktingan.”
“Sobrang na miss ka namin! Sana tuloy tuloy na pagbalik mo!”
“Good to see you Maris and Jennings hayaan mo mga basher ngayon paba na okie na lahat.”
“Maris is undeniably one of the generations best actress.”
“I was there and mind you malakas pa rin ang sigawan kaila DJ, Maris, at Anthony hahaha!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.