Anthony pang-international ang acting, bibida sa global film na ‘Mother Maybe’
PHOTO: Instagram/@anthony jenningss
LEVEL up ngayon ang aktor na si Anthony Jennings!
Magkakaroon na kasi siya ng international debut kung saan bibida siya sa global horror comedy drama film na “Mother Maybe.”
Ang exciting na balitang ito ay inanunsyo sa Hong Kong FilMart 2025, ayon sa ulat ng American magazine na Variety.
Ang upcoming film ay mula sa direksyon ng Pinoy filmmaker na si Sonny Calvento at co-produced ng ilang film companies kabilang na ang Southern Lantern Studios ng Pilipinas, E&W Films ng Singapore, at Volos Films Ltd. mula Taiwan.
Ang istorya ng “Mother Maybe” at sesentro sa karakter ni Anthony bilang si Marco na makakasama ang long-lost mother na kalauna’y natuklasan niyang nagta-transform na parang halimaw sa gabi.
Baka Bet Mo: Anthony Jennings susunod sa yapak nina Piolo, Daniel at Paulo: Wow! Nakakaiyak naman, nakakakilig!
Ayon kay Sonny, ang proyekto ay isang tribute para sa kanyang ina na iniwan siya noong bata pa siya.
Kasunod niyan ay pinuri niya ang aktor at sinabing may natural charm ito na nakakaaliw panoorin.
“He can make you laugh one moment and make you cry the next, which is exactly what this role demands,” paglalarawan ng direktor na nakasaad sa Variety.
Dagdag pa niya, “This balance of comedic timing and emotional depth makes him the right fit for Marco.”
Wala pang detalye tungkol sa movie, pero ayon sa Southern Lantern Studios, magsisimula ang taping sa huling kwarter ng taong 2025.
View this post on Instagram
Sa ngayon, ongoing ang action-drama TV series ni Anthony na “Incognito” kasama ang ilang bigating artista kabilang na sina Richard Gutierrez, Daniel Padilla, Ian Veneracion, Kaila Estrada, Maris Racal, at Baron Geisler.
Ang recent movie din niya ay ang “Sosyal Climbers” katambal ang love team partner na si Maris.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.