LIST: Mga pasabog na pelikulang paparating na sa Pilipinas simula 2025

PHOTO: Courtesy of Sony Pictures

PASABOG ang mga inihandang upcoming films ng Sony Pictures sa CinemaCon 2025 sa Las Vegas! 

Parang multiverse, ang daming aabangang pelikula mula sa anime na kinahuhumalingan ng lahat hanggang sa mga superhero na hindi natin kayang bitawan.

Unahin na natin ang isa sa mga pinaka-inaabangang anime films ngayong taon, kabilang na ang “Chainsaw Man – The Movie: Reze Arc” na ipapalabas sa Pilipinas sa September 24! 

Kasunod nito, isusugod din sa big screen ang “Demon Slayer: Kimetsu No Yaiba Infinity Castle” sa darating na August 20.

Bukod diyan, hindi pa tapos ang Spider-hysteria dahil may dalawang bagong pamagat na galing mismo sa Sony web: “Spider-Man: Brand New Day” – Ang ika-apat na pelikula ni Tom Holland bilang Spidey, papalipad na sa July 2026. 

Baka Bet Mo: Jackie Chan walang kupas sa edad 70, action star pa rin sa ‘Karate Kid: Legends’

At matapos tayong iwan sa matinding cliffhanger sa “Across the Spider-Verse,” babandera sa June 2027 ang ang “Spider-Man: Beyond the Spider-Verse.”

Narito ang ilang pelikula na babandera sa big screen for this year:

Karate Kid: Legends

Parang reunion ng mga legend sa “Karate Kid: Legends” (June 4, 2025) kung saan magsasanib-puwersa sina Jackie Chan bilang Mr. Han at Ralph Macchio bilang Daniel LaRusso. 

May bagong bida rin na si Ben Wang bilang Li Fong, ang teen kung fu prodigy na magpapasabog ng martial arts moves sa New York!

I Know What You Did Last Summer

Showing sa July 16, hindi na ‘to simpleng kabataan horror na muling pagbibidahan nina Jennifer Love Hewitt at Freddie Prinze Jr. 

28 Years Later

Ang sequel ng “28 Days Later” na mas intense, mas nakakakilabot, at mas may twist! 

Isang misyon mula sa isla papunta sa mainland ang maglalantad ng bagong uri ng “monsters”—hindi lang infected, pati mga tao.

Saksihan ‘yan sa “28 Years Later” na babandera sa June 18.

Heto pa ang ibang bagong movies na dapat abangan:

“Caught Stealing” (August 27, 2025) – Crime thriller mula kay Darren Aronofsky at mga bigating artista gaya nina Austin Butler, Zoë Kravitz, Regina King, at Bad Bunny. 

“A Big Bold Beautiful Journey” (October 8, 2025) – Isang road trip movie mula kay Kogonada na pinagbibidahan nina Margot Robbie at Colin Farrell.

“GOAT” (Feb 2026) – Animated sports comedy na produced ni NBA superstar Stephen Curry.

“The Beatles – A Four-Film Cinematic Event” (April 2028) – Kwento ng bawat miyembro ng iconic band na sina Paul Mescal as Paul, Joseph Quinn as George, Barry Keoghan as Ringo, at Harris Dickinson bilang John Lennon.