Mark Herras rumesbak kay Jojo Mendrez: Sorry I’m the wrong guy

Jojo Mendrez at Mark Herras

RUMESBAK ang Kapuso actor na si Mark Herras sa mga akusasyon laban sa kanya ng tinaguriang Revival King na si Jojo Mendrez.

Kahapon sana pormal na ipa-file ni Jojo ang reklamong grave threat sa Quezon City Hall of Justice matapos magtungo sa Police Station 10 ng Kamuning, Quezon City, para isumite ang kanyang affidavit.

Kasama ng singer doon ang legal counsel niyang si Atty. Chiqui Advincula at ng mga manager niyang sina David Bhowie at Vince Apostol ng Aqueous Entertainment.

Ngayong araw inaasahang pupunta si Jojo, ang kanyang abogado at ang kanyang management team sa Hall of Justice para ipa-receive ang nasabing reklamo laban kay Mark.

Kasunod nito, nagsalita na nga ang aktor at dancer hinggil sa mga alegasyon laban sa kanya ng kampo ni Jojo sa panayam ng TV5 reporter na si MJ Marfori.

“Okay lang naman yan & pasabi na lang po na marami diyan na di hamak mas sikat sakin kasi ako naman hindi na talaga haha.

“Gagawa na lang ng issue yung halatang katarantaduhan pa,” ang mensahe ni Mark.

“Unang una dko ugali manakot ng tao kahit gawan ako ng issue or what dko ugali yan. I’d rather give my time & energy sa pamilya o kaya sa mga work/raket..

 

View this post on Instagram

 

A post shared by Bandera (@banderaphl)

“Sorry im the wrong guy para isama nyo or gawan nyo ng issue kasi dko kayo papatulan haha.

“At isa mga kasabihan nga eh ‘always be the better person.’ So yeah salamat enjoy whatever you guys are doing.

“Madame akong ginagawa personal/work related. This will be the last time na sasagot ako sa issue lol thank you,” ang buong pahayag ni Mark.

Sa nakaraang presscon ni Jojo, ibinahagi ni David ang ginawa umano ni Mark sa kanilang talent.

“Yung kuwentuhan namin sa Luxent (Hotel), nababanggit niya na nakuwento raw ng asawa niya sa kanya na, ‘Uy, binili pala si Rainier (Castillo) ng bagong cellphone ni Jojo.’

“And then, ang response ni Mark na sabi sa amin, ‘Uy, huwag ka nang mainggit,’ sabi niya sa asawa niya,” na ang tinutukoy ay ang sinabi umano ni Mark sa misis niyang si Nicole Donesa.

“Yun yung kuwento ni Mark sa amin. ‘Huwag ka nang mainggit, ang laki na nga ng bigay niya sa atin.’ So, admitted na mas malaki yung nakukuha niya compared to Rainier.

“Nu’ng alam niyang nagba-viral na si Rainier and Jojo, nagbanggit ng parang life-threatening statement na sabihin mo nang pabiro, pero mali pa rin.

“Parang out of nowhere, sinabi ni Mark na… eto, exact words, ha? ‘Pag ako maitsapuwera diyan, susunugin ko ang bahay mo, Jojo’.

“So, regardless of whether it’s a joke, note, it’s still a threat. Na nagkatinginan lang kami ni Jojo, tumawa lang kami sa ano… nung nakatalikod na si Mark, pinag-usapan na namin na parang hindi na tama yun,” sabi pa ng manager ni Jojo.

Sabi naman ng singer, “Hindi ko alam kung saan nangagaling yung galit, yung pagbabanta na susunugin yung bahay kung iitsapuwera siya.

“Yun yung hindi ko matawid, saka yung mga sinasabi niya na…kasi may anxiety daw siya, depression na ayaw niyang ma-stress dahil according to him, lagi siyang pine-pressure ng wife niya.

“Pag wala siyang nadalang pera sa bahay nila, e, malaking gulo ang mangyayari. That’s why tatawag siya sa akin, magme-message siya sa akin, nakikiusap siya.

“Pag hindi mo siya pagbibigyan, sasabihin niya magpapakamatay siya. So, siyempre pag ikaw ang sasabihan ng ganun, matatakot ka gawa ng kung may mangyari nga, konsensiya mo.

“Meron pang pangyayari na kapag hindi ko raw siya tutulungan, ako ang nagtutulak sa kanya para kumapit siya sa patalim, at the same time ay gagawin daw niya yung mga bagay na hindi maganda, especially yung mga nagme-message sa kanya, pagbibigyan na niya.

“Siyempre ako, concerned ako sa kanya, sinasabihan ko na, ‘Huwag mo yan gagawin.’ Kaya mabibigyan mo na uli siya. The following day, it’s the same problem. Paulit-ulit, araw-araw. Ganun ang routine,” paliwanag ni Jojo.

Muli, paglilinaw pa niya, “Wala kaming relasyon ni Mark Herras, once and for all. Hindi ho gimmick ito para pag-usapan kami. Walang namamagitan sa amin ni Mark Heras at the same time, hindi ko alam ang takbo ng isip niya.

“Sa side ko, alam ko yung nilalaman ng isip ko at ng sarili ko. Hindi ko alam kung ano ang impression niya sa nakikita niya.

“So, magkaiba kasi yun e. So, at this time, wala kaming any relationship or any commitment sa isa’t isa. Hindi ko alam kung saan nanggagaling yung ganung galit.

“Siguro it’s about time na tumigil na siya. Kasi siyempre, instead na napo-promote na yung kanta ko ay napupunta na ang usapan kay Mark, kay Rainier. Siguro it’s about time na tumigil na siya,” sabi ni Jojo Mendrez.