Xian Gaza kinontra si Maris Racal: Hindi totoo na alam ni Rico
PINABULAANAN ng Pambansang Marites na si Xian Gaza ang pahayag ni Maris Racal na alam ng dati nitong karelasyon na si Rico Blanco ang namagitan sa kanila ni Anthony Jennings.
Sa kanyang Facebook post nitong Biyernes, December 6, binanatan nito ang viral na pahayag ni Maris patungkol sa isyung panloloko niya at ng ka-love team na si Anthony sa kani-kanilang karelasyon.
“Hindi totoo na alam ni Rico. Sinabi niya lamang ito para ikondisyon ang mga utak natin na malinis siya at hindi niya niloko yung tao,” saad ni Xian.
Baka Bet Mo: Statement ni Maris Racal nakitaan ng ‘butas’ni Boy Abunda
View this post on Instagram
Chika pa ni Xian, wala ring katotohan na June 2024 lang nagsimula ang namagitan sa kanila ni Anthony.
Isa pa raw ay kasinungalingan rin daw na walang alam si Maris na mag-dyowa pa sina Anthony at Jam habang nagkakaroon na sila ng ugnayan.
Sey ni Xian, “Hindi totoo na hindi niya alam na si Anthony pa at Jam. Kaya nga sinisigurado niya kay Anthony na mag-delete ng buong convo.
“Sinabi niya lamang ito para ikondisyon ang mga utak natin na siya ay biktima lang din dito.”
Pinansin rin ni Xian ang umano’y pag-take accountability ni Maris sa mga nangyari at ang tila pagsisi nito kay Anthony sa mga nangyari.
“Hindi totoo na she took accountability for everything. The entire official statement was designed to save her image and career by portraying herself as one of the victims of Anthony na kaming mga lalaki na naman ang mali at masama,” sabi pa ng social media personality.
Sa kabila nito ay pinatotohanan niya na may pinagdaraanan talaga ito kaya nagresulta na napagsabay sina Rico at Anthony.
“Totoo na for the last one year ay very vulnerable siya. Wala sa tamang hulog ang kaniyang pag-iisip. Her mental health is not stable to a point na kailangan niyang i-let go si Rico,” sey ni Xian.
Dagdag pa niya, “Hindi siya makapagdesisyon nang tama sa buhay kaya nga pinatulan niya yung may jowa.”
Totoo rin daw na si Anthony ang naging sandalan nito sa mga nagdaang buwan.
“Totoo na si Anthony ang naging sandalan niya all these months. Totoo na blinded siya sa tunay na motibo ni Anthony, na gagamitin lang pala siya nito as trophy girlfriend while keeping all the private messages and photos. On that note, at some point, totoo na biktima din siya ni Anthony,” ani Xian.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.