Magnitude 5.1 lindol yumanig sa OccMindoro kagabi
NIYANIG ng magnitude 5.1 lindol ang Occidental Mindoro kagabi.
Ayon sa Philippine Institute of Volcanology and Seismology naramdaman ang lindol alas-9:37 ng gabi.
Ang epicenter ng lindol ay 17 kilometro sa silangan ng bayan ng Calintaan. May lalim itong 10 kilometro.
Nagbabala ang Phivolcs na magdulot ng aftershocks ang pagyanig na ito.
Naramdaman ang Intensity IV Calintaan, at San Jose, Occidental Mindoro; at Pinamalayan, Oriental Mindoro.
Intensity III naman sa Santa Cruz, Occidental Mindoro; Bansud, Mansalay at Calapan City, Oriental Mindoro; Odiongan, at San Agustin, Romblon; Ibajay, Malay, at Nabas, Aklan; at Boac, Marinduque.
Intensity II naman sa Abra de Ilog, Occidental Mindoro; Malinao, Numancia, at Tangalan, Aklan.
Ang mga instrumento naman ng Phivolcs ay may na-detect na pagyanig na:
Intensity IV – Roxas, and San Jose, Occidental Mindoro
Intensity III – Malay, Aklan
Intensity II – Malinao, Aklan; Pandan, and Sebaste, Antique
Intensity I – Puerto Galera, Oriental Mindoro; Culasi, Antique; Lopez, at Mauban, Quezon
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.