Marjorie Barretto sa mga single women: Choose your future partner well
NAGBIGAY ng payo ang dating aktres at vlogger na si Marjorie Barretto na kilatising mabuti ang kanilang magiging partner.
Sa kanyang exclusive interview sa talent manager na si Ogie Diaz na mapapanood sa YouTube channel ng huli, hindi napigilan ng dating aktres na maglabas ng pahayag laban sa kanyang dating asawa na si Dennis Padilla.
Matatandaang mainit na pinag-uusapan ngayon ng madlang pipol ang mga pasabog ni Dennis Padilla tungkol sa naging umano’y hindi magandang trato sa kanya sa naganap na kasal ng ikalawang anak nila ni Marjorie na si Claudia.
At bilang ina, tuluyan na nga niyang binasag ang kanyang katahimikan upang protektahan ang mga anak.
Baka Bet Mo: Marjorie Barretto nakaranas daw ng physical abuse kay Dennis: Nawala ang eardrum ko
View this post on Instagram
Sa dulo ng kanyang interview ay nagbigay siya ng payo sa mga kapwa babae na piliing maigi ang makakasama sa buhay upang hindi matulad sa kanyang mga mapait na karanasan.
Lahad ni Marjorie, “This is my advice to my children, and my advice to all single women, when you choose your future partners, when you have boyfriend na red flag na talaga, isipin mo na kung ikaw kaya mo ’to, he will be the future father of your children.
“So you choose well. Choose someone na dapat tini-treat well ka na kasi ’yan ang magiging tatay ng mga anak mo.”
Dapat raw ay kung may makita na agad na mali sa partner ay isiping maigi dahil ang anak ang magsa-suffer sa huli.
“Kung may makita ka ng bad temper, ’wag mo ng pakasalan, kasi ang papaluin niyan, ang sisigawan niyan, ang painful words niyan, doon sa magiging anak ninyo,” sey ni Marjorie.
Aniya, humihingi siya ng tawad sa mga anak dahil maari niyang iwan ang dating asawa ngunit ang mga anak niya ay mananatiling ama ang dating karelasyon at walang laya na pumili ng panibagong ama.
“Sometimes I really apologize to my kids kasi sabi ko, I left the marriage. I had the luxury to leave your father. Sila, they’re stuck for life. I’m so sorry I chose wrong,” sey ni Marjorie.
Dagdag pa niya, “But I’ll tell you, I will love you enough, my children enough. I will protect you enough. I will [be] enough for a father and a mother [for all of you].”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.