Ogie nagluluksa sa yumaong pet dog: ‘Go roam free in dog heaven, dear Paul’
PHOTO: Instagram/@ogiealcasid
HEARTBROKEN ang TV host-singer na si Ogie Alcasid dahil namatay ang fur baby niyang si Paul.
Hindi idinetalye ni Ogie ang sanhi ng pagkamatay, pero ibinandera niya sa social media ang picture nito.
Ang caption niya sa Instagram post, “Our hearts are broken. Go roam free in dog heaven dear Paul.”
“We love you [red heart, folded hands emojis],” aniya pa.
Baka Bet Mo: Vice Ganda ibinida ang sorpresa ni Angel Locsin, binigyan ng bagong ‘baby’
View this post on Instagram
Sa comment section, maraming celebrity friends ang nakiramay at nalungkot sa balita ng batikang singer.
Ilan lamang sa mga nagkomento ay sina Ryan Agoncillo, Eugene Domingo, Sofronio Vasquez, Janno Gibbs, at marami pang iba.
Kung maaalala, nauna nang ikinuwento ni Ogie na si Paul ay isa sa mga homeless dogs na kanilang iniligtas.
“This is Paul. We rescued him dahil may isang lugar na 100 dogs ang papatayin dahil wala na silang malugaran. 99 ay nakuha at si Paul ang natira,” chika niya.
Patuloy ni Ogie, “Itinawag sa akin ni [@leilalcasid] thru [@gabsgibbs] at eto na siya. Malusog at napakabait. We love you Paully.”
Sa isang interview, aminado si Ogie na spoiled ang mga alaga nilang aso’t pusa.
“We spoil them, you know, they sleep with us, they are in the aircon,” wika niya.
Aniya pa, “The Shih Tzu sleeps with us, si Lou sleeps with Leila, si Cyrus sa veranda, bantay niya ‘yun.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.