Regine Velasquez naghahanda na sa retirement, type mag-travel nang mag-travel
Regine Velasquez at Ogie Alcasid
SA HALIP na makaramdam ng takot at panghihinayang, excited pa ang Asia’s Songbird na si Regine Velasquez sa kanyang retirement bilang singer-performer.
Sa katunayan, pinaghahandaan na nga raw ni Ate Regs ang pagdating ng araw na kailangan na niyang magretiro at mamahinga sa pagkanta.
Iyan ang inamin ng OPM icon sa panayam ni MJ Felipe sa “On Cue” bilang bahagi ng International Women’s Month ngayong March.
Napag-usapan nga rito ang tungkol sa retirement at diretsahang sinabi ng nag-iisang Songbird na hindi siya takot na mawala sa entertainment industry na naging tahanan na niya sa loob ng ilang dekada.
“No, I’m excited. Actually, hindi naman. Parang, I’m trying to…anong tawag diyan? Prepare myself for that.
“I mean, it’s not gonna happen naman soon, but I’m preparing myself for that. Because itong work kasi na ito is very addicting, aminin mo yan,” simulang pagbabahagi ni Regine.
“Kasi ano, e, instant gratification lahat, e. Especially pag nagko-concert ka, instant gratification, e.
View this post on Instagram
“So, pini-prepare ko yung sarili ko na, ‘Okay to yung mga nadi-disappoint ako habang nagko-concert ako. Siguro this is God’s way na rin of letting me know, sige, dahan-dahan.’
“Para kapag umabot na ako du’n sa kailangan ko na mag-decide talaga na, ‘Yeah, I think it’s my time to stop,’ it wouldn’t be too hard for me.
“And the thing is, I’m sure I’m gonna miss it. But, ayun na nga, parang siguro hindi naman bigla,” paliwanag pa niya.
Actually, napag-uusapan din daw nila ng kanyang asawang si Ogie Alcasid ang tungkol dito, “Matagal-tagal pa naman nang konti. Hindi pa naman ako mukhang 100. So, konti-konti.
“And yun na nga, I’m preparing, my husband and I are preparing for it. Lalo na siya kasi he’s a bit older than me.
“So, pinag-uusapan na namin yun na, ‘Pag ganito, Hon, siguro mag-lie low na ako nang konti.’ So, ang isip ko din, ‘Ako din, Hon,'” pahayag pa ng Songbird na 54 years old na ngayon habang si Ogie naman ay 57.
Patuloy ni Ate Regs, “And then, we wanna travel while we still can. So, that’s what we wanna do. That’s what I wanna do.
“That’s why we’re trying to be smart with our earnings. Again, and that’s why we work so hard now to prepare for the inevitable,” pahayag pa ni Regine.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.