Yassi Pressman dinogshow ng bashers, kamukha na raw si Steven Tyler

PINAGTRIPAN ng mga netizens ang aktres at dancer na si Yassi Pressman dahil sa latest TikTok video na ipinost nito kamakailan.

Marami kasi ang nakapansin sa tila pagbabago sa itsura ngayon ng dalaga matapos mapanood ang bagong video na ibinahagi niya sa TikTok.

Isa ang isyung ito sa napagchikahan sa latest episode ng “Ogie Diaz Showbiz Updates” vlog dahil nga nagtataka na ang mga netizens kung bakit ganoon na ang itsura ng aktres.

Marami ang nagkomento na ka-lookalike na siya ng iconic international singer na si Steven Tyler.

Baka Bet Mo: Yassi Pressman sinagot tuition fee ni ‘Baby Yassi’: Na-surprise ako!

“Si Yassi Pressman, ‘yung ganda para daw nabawasan. Dahil may isang TikTok video na parang kamukha raw siya ni Steve Tyler,” ang chika ng talent manager at content creator na si Ogie Diaz.

Pero esplika ni Mama Ogs, kuha raw ang TikTok video ni Yassi sa shooting ng ginagawa nitong bagong horror movie kaya raw ganu’n ang facesung nito.

Ang tinutukoy na pelikula ni Ogie ay ang upcoming horror movie ng Viva Films, ang “Isolated” mula sa direksyon ni Benedict Mique.

Makakasama ni Yassi rito ang premyadong aktor na si Joel Torre, with Yayo Aguila, Candy Pangilinan at marami pang iba.

“Siyempre ‘yung iba naninibago. Bakit daw nagpaiba pa ng labi? Nagpadagdag o nagpa-enhance, ganyan. Tapos iba rin ‘yong mukha. Nawala raw ‘yong pagka-Yassi Pressman,” saad pa ni Mama Ogs.

In fairness, may mga nagtanggol naman kay Yassi at nagsabing sa ibang litrato at video ni Yassi sa mga social media accounts nito ay hindi nito ka-face si Steven Tyler.