‘Sonic the Hedgehog 3’ mas masayang kwento, pinatinding aksyon
PHOTO: Courtesy of Paramount Pictures
MULING humarurot sa takilya ang paboritong blue hedgehog!
Showing na kasi sa mga lokal na sinehan ang latest installment na “Sonic the Hedgehog 3” matapos ang matagumpay na pagbubukas nito sa Estados Unidos at iba pang international markets noong Kapaskuhan.
Napanood na ng BANDERA ang pelikula at napatunayan namin na bukod sa mas masaya ang naging kwento nito ay mas pinaigting din ang mga aksyon na eksena.
Mapapanood din ang balik-tambalan ng all-star cast na sina Jim Carrey bilang Dr. Robotnik, Ben Schwartz bilang Sonic, Idris Elba bilang Knuckles, James Marsden, Tika Sumpter, at ang bagong karakter na ginampanan ni Keanu Reeves.
Baka Bet Mo: LIST: Mga bagong pelikula na magpapainit sa unang buwan ng 2025
Hindi kataka-takang pumalo sa 96% ang audience rating nito sa Rotten Tomatoes, habang may 87% naman mula sa mga kritiko—ang pinakamataas sa kasaysayan ng franchise.
Tila hindi lamang bilis ang ipinakita ng Team Sonic, kundi pati ang kanilang husay sa pag-deliver ng nakakaaliw at heartwarming na kwento.
Sa bagong kabanatang ito, haharapin ni Sonic at ng kanyang mga kaibigan ang mas mapanganib na misyon na puno ng twists at surprises.
Ayaw naman namin ikwento kung ano ang nasaksihan namin, kaya heto ang synopsis:
“In ‘Sonic the Hedgehog 3,’ Sonic, Knuckles and Tails reunite against a powerful new adversary, Shadow, a mysterious villain with powers unlike anything they have faced before. With their abilities outmatched in every way, Team Sonic must seek out an unlikely alliance in hopes of stopping Shadow and protecting the planet.”
Mula sa mabilisang habulan hanggang sa emosyonal na eksena, sinigurado ng pelikula na walang dull moment para sa mga manonood.
Nakakatuwa ang bagong pelikulang ito dahil hindi lang ito para sa mga bata –isa rin itong nostalgia trip para sa mga dating fans ng Sonic franchise.
Pinagsama nito ang high-energy action sequences, nakakatawang banat, at heartwarming moments na tiyak na tatatak sa puso ng mga manonood.
Kung naghahanap ka ng pelikulang pampamilya na puno ng aksyon, saya, at aral, ang “Sonic the Hedgehog 3” ang perfect choice para sa iyo!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.