Bagong pelikula ng ‘Sonic the Hedgehog’ babandera sa 2025
PHOTO: Courtesy of Paramount Pictures International
BAGONG adventure, bagong kalaban.
‘Yan ang magiging peg ng pagbabalik ng “Sonic the Hedgehog” franchise sa big screen!
Bukod kay Sonic, kasama niyang bibida sa upcoming part 3 ng action-adventure comedy film sina Knuckles at Tails.
Ang bagong kalaban nila ay si Shadow, ang mysterious villain na may kakaibang super powers.
“With their abilities outmatched in every way, Team Sonic must seek out an unlikely alliance in hopes of stopping Shadow and protecting the planet,” saad sa bahagi ng synopsis.
Baka Bet Mo: Iconic Marvel villain ‘Kraven the Hunter’ bubuhayin, bida si Aaron Taylor-Johnson
Tulad sa mga nakaraang pelikula ng “Sonic the Hedgehog,” ito ay idi-direk muli ni Jeff Fowler.
Magbabalik din ang all-star cast na sina Jim Carrey, Ben Schwartz, James Marsden, Tika Sumpter, Idris Elba, Colleen O’Shaughnessey, Natasha Rothwell, Shemar Moore, Adam Pally, at Lee Majdoub.
Habang ang mga bagong cast ng pelikula ay sina Ayla Brown at Krysten Ritter, pati na rin si Keanu Reeves na bobosesan ang karakter ni Shadow the Hedgehog.
Ang upcoming movie ay mapapanood sa lokal na sinehan sa susunod na taon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.