Mickey Ablan sinisisi pa rin ang sarili sa pagkamatay ng anak: ‘I’m so sorry my baby girl Yzabel, please forgive Daddy’
Ang ‘huling’ family picture nina Mickey Ablan at Janna Dominguez kasama ang mga anak
MULING humingi ng tawad si Mickey Ablan sa kanyang anak na si Yzabel Ablan ilang araw matapos itong bawian ng buhay dahil sa heart failure at lung infection.
Sa patuloy na pagluluksa ng mixed martial arts fighter sa pagkamatay ng panganay niyang anak ay mukhang sinisisi pa rin niya ang sarili sa nangyari kay Yzabel.
Inilibing na si Yzabel last Thursday, October 12, sa La Pieta Memorial Park sa Angeles, Pampanga. Ilang kamag-anak at kaibigan ang naghatid sa dalaga sa kanyang huling hantungan.
Sa kanyang Facebook page, ibinahagi ni Mickey ang screenshots ng naging usapan ni Yzabel at ng taong tinatawag niyang “Kuya.” Naikuwento niya rito ang naranasang sunud-sunod na atake ng asthma.
“Hi kuya been a while just want to share and ask for prayers narin kasi these past few weeks here in mnl i ve been having attacks both physically and mentally
“just been silent about it but recently nag super lalang attack ako to the point na hindi na talaga ako makahinga and I really felt na wala na like end na.
“Pero one thing I did I asked lord am I done while having that attack na wala na talaga ako mahinga tas bigla naging okay ako,” ang pagbabahagi ni Ysabel sa kanyang “kuya.”
Patuloy pa niya, “Recently kasi ung struggles ko with the Lord is whats next like andami na nangyare whats next whats my next move with all the pressure and worldly thinks around us.
“Siyempre dapat expected sayo may plan ka sa buhay pero as a Christian you cant really see what next or placed it kasi si Lord may alam nun eh.
“So to cut the long story na bingo na naman ako ni Lord dito with family stuff din pero I know di na ako may control nun and yeah prayers kakagaling ko lang doctor I have lung infection because of the… pero hopefully mag respond sa meds and…” ang biting pahayag ng anak ni Mickey.
Nagpahiwatig din ang dalaga na ready na siyang mamatay anytime, “Pero yeah life is really short noh I mean when I was at the moment not being able to breathe I was so scared but ready at the same time.”
Narito naman ang caption na isinulat ni Mickey sa kanyang FB post, “If only you told me ganon kalala Breathing Attack mo the night before you passed away Ate Yzabel Ablan maybe the outcome would have been different (sad face emoji).”
Pagpapatuloy pa niya, “Why tell your Friends lang?? You should have told me ako un andon that Night you had your first Breathing attack dapat I should have brought you na agad sa Hospital that Friday Night .
“I should have been more dilligent. All I gave you was your inhaler and water and have you checked up with a Doctor Online who gave you Garbage Meds how stupid can i be!” sabi pa ng partner ng Kapuso actress na si Jannna Dominguez.
Muli, humingi ng paumanhin si Mickey sa kanyang anak, “I’m so sorry My Baby Girl Yzabel please forgive Daddy (sad face, praying hands emoji). I Love you.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.