Bakit may babaeng pumapayag maging kabit kahit mahirap lang ang lalaki?

Stock image

TAKANG-TAKA ang isang misis kung bakit pumayag na maging kabit ng kanyang mister ang babaeng napakaganda naman ng buhay at career.

Humihingi ng payo si misis kung ano nga ba ang dapat niyang gawin para tuluyan nang tumino ang kanyang asawa na parang baliw na baliw daw sa babaeng kinakalantari nito.

Sa Facebook page na Peso Sense, nag-post si tuliro at naguguluhang wifey tungkol sa kanyang marital issues. May other woman daw ang asawa niya pero hindi niya magawang sugurin at komprontahin.

Ang tanong niya, “Bakit may mga babaeng may itsura naman, may natapos, may magandang trabaho at career, may magandang bahay, may sasakyan din, dalaga pa pero financial stable na kumbaga nasa kanya na lahat pero nagawang maging kabit?

“Gusto ko lang maintindihan talaga, Naiintindihan ko kung bakit nagustuhan sya ng LIP ko, kung bakit nabaliw baliw sa kanya dahil nasa kanya na nga naman lahat.

“Ang di ko magets bakit nya pinatulan Lip ko na pamilyadong tao at isang kahig isang tuka lang.. di ba dapat pag ganyang klase ka ng babae dapat mataas standard mo? Ang hanap ng ganyan mga ka level dapat nila,” ang simula ng open letter ni misis.

Patuloy pa niya, “Noon kampante ako kahit san mapunta asawa ko panatag ako na Hindi mambabae, walang kahit ano asawa ko, elementary lang natapos kaya walang naging permanenteng trabaho, isang kahig isang tuka lang kami, nangitim na din sya kaka work sa construction noon kaya di ko naiisip na may magkakagusto sa kanya nung pinapasok ko sya sa factory na pinang galingan ko.

“At ang alam ko sa mga kabet mga namemera lang, kaya sabi ko walang papatol sa kanya kasi wala sya maibibigay sa babae dahil samin palang kulang na. Mali pala ko. May kabet pala na kahit walang wala ka papatol parin sayo.

“Gagastusan ka. Bibilan ka ng mga gamit. Bibigyan ka ng pera. Iispoil ka. Kaya pala nagtaka ko gumanda katawan ng asawa ko, binibilhan ng vitamins luho at lagi binigyan ng pagkain,” patuloy na kuwento ng problemadong wifey.

Sabi pa niya sa post, “Kaya pala nung isang beses kahit hindi ako nakakapag saing sa umaga ng baon eh ok lang pero noon nagyarinnoo galit na galit

“Napansin din ng mga kaibigan ko na tumataba na sya, yun pala may nag aalaga na. Kaya pala pag winiwithdraw ko sahod nya di na sya humuhingi ng budget, pero may pasalubong lagi sa mga bata.

“Tapos umuuwi lagi ng madaling araw pag uwi may pera na. O Diba ang swerte ng asawa ko. Sa itsura nyang un ,Naka bingwit ng dalaga, maganda na mapera pa. Kaya di ko talaga maintindihan yung babae.

“Alam ko lang sa ganyan sa mga may edad na mapera naghahanap ng lalaking papatol sa kanila. Pero sya maganda, ,bata pa pero sugar mommy na dating nya. Bakit sya pumapayag? Kung tutuusin dami nagkakagusto sa ganung itsura tapos magpapaka kabit lang. Bakit?

“Kinompronta ko asawa ko, at inamin nya sakin na may naging relasyon sila. Ang sakit pala na inamin sayo bago mo pa mahuli o makumpirna.

“Wala na daw sila. Pero hindi ako naniniwala na makakabitaw sya ng ganun nalang. Nabasa ko sa convo kung ganun nya kamahal yung babae mga salita nya na never man lang nya sinabi sakin kahit ang tagal na namin.

“Nabasa ko din Ilang beses na din sinubukan nakipag hiwalay si babae pero hindi kaya ng asawa ko. May nabasa pa ko na hinihintay nya nalang bumitaw ako para sumama dun sa babae,” pagbabahagi pa niya.

Ang isa pang ikinaloka niya, “Nu’ng araw na nanganak ako iniwan nya ko sa hospital dahil nakikipag hiwalay na si girl sa kanya. Ganu’n sya katakot iwan ng babae. Iniwan nya kami ng baby namin para puntahan at wag sya iwan ng babae.

“Sobrang sakit ng mga nangyari pero di ko parin naman sya kayang iwan dahil mahal ko sila ng mga anak ko .Nagsasama parin kami ngaun.

“Hiwalay na daw sila ni girl pero dun parin nagttrabaho sa factory asawa ko. Pinag reresign ko na pero Ngaun lang sya na regular sa trabaho kaya hindi sya pumayag dahil mahhirapan na sya maghanap sa iba. Yung babae din nagpa regular sa kanya. Di ko alam kung sila pa.

“Wala ko lakas ng loob tanungin si babae kaya dito ako nagtanong baka sakali may makuha akong sagot kung bakit nya pinatulan asawa ko,” ang pagtatapos na sumbong ni misis.

So, ano mga ka-BANDERA? Relate much ba kayo sa isyu ni misis? Ano bang maipapayo n’yo sa kanya? Comment na guys!