Cristine Reyes ‘wanted’, hinahanap ng American singer na si David Dimuzio
USAP-USAPAN ngayon ang aktres na si Cristine Reyes dahil kasalukuyan itong hinahanap ng isang international celebrity sa social media.
Kamakailan kasi ay nag-post ang American singer-songwriter na si David DiMuzio sa kanyang Facebook page kung saan tinatanong nito kung may nakakikilala ba sa babaeng kasama niya sa picture.
Agad namang kumalat ang larawan at nakatanggap ng maraming comments at reactions mula sa madlang netizen dahil si Cristine ang nasa picture.
“Does anyone know this girl’s name? I remember she was really nice when we met years ago, and she’s an actress, but I can’t remember her name,” saad ni David sa kanyang caption.
Aliw naman ang mga naging sagot ng netizens sa comment section ng post ni David at ang ilan nga ay nagpanggap pa na sila si Cristine.
“Hey, David DiMuzio! I’m doing well. How are you?” saad ng isang netizen.
View this post on Instagram
Comment naman ng isa, “buti pa si cristine reyes may naghahanap .. sakin c judith and jona lang plaging nghahanap .. ‘due date’ and ‘due na’.”
“Wag munang ituloy david, masasaktan ka lang. May marco na sya eh,” sey naman ng isa.
Nag-post pang muli ng larawan nila ni Cristine si David na may caption na “Naaalla mo pa ba?”
Abangers naman ang mga netizens sa magiging reaksyon ng aktres sa paghahanap sa kanya ng singer-songwriter.
Samantala, pawang emoji lang naman ang naging reply ng dyowa nitong si Marco Gumabao sa post ng American singer-songwriter.
Related Chika:
Cristine Reyes, Ali Khatibi magkasamang um-attend sa school event ng anak
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.