Faith da Silva may inamin tungkol kay Albert Martinez, na-fall nga ba nang bonggang-bongga?
Albert Martinez at Faith da Silva
HINDI umabot sa MU (mutual understanding) at dating stage ang naging relasyon ng Kapuso actress na si Faith da Silva sa veteran actor at director na si Albert Martinez.
Yan ang rebelasyon ni Faith nang muling matanong tungkol sa naging “relasyon” nila ni Albert noon habang ginagawa nila ang pinagsamahang teleserye sa GMA 7, ang “Las Hermanas.”
Sa naganap na grand mediacon ng latest Kapuso primetime series na “Maging Sino Ka Man” kung saan gaganap na kontrabida si Faith sa tambalan nina Barbie Forteza at David Licauco, muling kinumusta sa kanya si Albert.
“Akala ko nasagot ko na ito hindi pa pala. Ha-hahaha! Hindi, ‘yun nga po siyempre ‘yung kay Direk Albert, I can only answer for myself ‘di ba. Kung ma-fall siguro masyado pong malalim ‘yun para sabihin kong ma-fall ako.
View this post on Instagram
“Pero ‘yung appreciation ko sa kanya at siguro ‘yung pagkagusto ko sa kanya nung mga time na ‘yun, it was really there.
“It was apparent naman sa ‘kin pero ‘yun nga mahirap ‘yung sitwasyon kasi syempre biyudo po siya at saka mahal na mahal niya po talaga ‘yung wife niya.
“Na kapag nag-uusap po kaming dalawa, siya po talaga ‘yung lagi niyang kinukwento. So syempre ako rin naman bilang respeto ko sa relationship nila,” litanya ni Faith.
Baka Bet Mo: Faith da Silva desidido nang lumaban sa beauty pageant; umaming wala pa ring dyowa
“‘Di ba ang tagal din naman po nila. Saka minahal talaga nila ‘yung isa’t isa. Hindi ako sa papagitna or kahit wala naman na akong papagitnaan parang I don’t want to be involved in it.
“So wala. Siguro dala na rin ng paghanga mo sa kanya? Siguro po ganon kasi aside from him being a director, bilang isang artista na kilala talaga.
“‘Yung pagkatao niya mabait po talaga siya eh. He’s a gentleman. At saka siyempre nung mga time na ‘yun galing po siya ng ABS-CBN eh. So, sino naman po ang mag-aakala na magkakaroon pala kami ng partnership.
View this post on Instagram
“At saka ‘yung role ko po or role po namin doon sa Las Hermanas, eh mag-asawa kami. So siguro mahirap din pong sabihin na ‘di ba kahit sino naman po…siguro po (nadala) kahit paano ‘di ba?” paliwanag pa ng Kapuso actress.
Sa tanong kung umabot sila sa MU, “Kapag kasi po MU ibig sabihin kahit papaano may label na kayo. ‘Yung sa amin po hindi ko masasabi na MU po siya.” Hindi rin daw sila nag-date ni Albert.
“Grateful ako and happy ako na na-appreciate ng mga tao at saka nakita nila ‘di ba na uy bagay pala and pwede naman pala.
“And bukod po siguro doon sa partnership namin dito sa Las Hermanas eh mas nakilala ko siya bilang isang tao. Napakalalim ng character niya at napakamabuti niya pong tao. Ayun lang masasabi ko,” sey pa niya.
Huli raw silang nagkita at nagkausap sa GMA Gala 2023.
Faith da Silva muling nanawagan ng ayuda para sa Siargao: It really breaks my heart…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.