Miss Planet International 2022 na-postpone sa Uganda, itutuloy next year sa Cambodia
PHOTO: Facebook/Miss Planet International
HINDI na muna matutuloy ang 2022 Miss Planet International competition ngayong buwan.
“Yan ay kinumpirma mismo ng Miss Planet International organization sa pamamagitan ng isang social media post.
Ayon sa kanilang pahayag, ipinagpaliban nila ang Finals at Preliminary competitions ng pageant dahil nabigong sumunod sa requirements ang “Host Organizers.”
Sey sa Facebook post, “On behalf of our Miss Planet International Organization we are announcing the postponement of our worldwide competition that would be held in Uganda on November 19th, 2022.”
“We regret to inform that the Finals and Preliminary competitions won’t be held due to the Host Organizers failed to comply and meet the requirements for the realization of the events,” dagdag pa sa caption.
Imbes daw na gaganapin ito ng November 19 sa Uganda, ililipat ang event sa bansang Cambodia sa darating na Enero.
Saad sa FB post, “Miss Planet International 2022 moves forward and it will be held in the Kingdom of Cambodia in January 2023.”
Lubos na humihingi ng pasensya ang pageant organization sa abalang nangyari.
“We would like to express our sincere apologies for all the inconvenience caused,” lahad nila.
Napa-comment naman diyan ang talent manager ni Binibining Pilipinas first runner-up Herlene Budol na si Wilbert Tolentino.
Ayon sa kanya, “Pano hindi mag postponed? lahat nag back [out] at ubos na ‘yung delegates.
“Nahihibang pa sila may susuporta. ‘Yung integrity at credibility ginawa nila sa lahat ng delegates.”
November 12 nang opisyal nang inanunsyo ni Wilbert na umatras na sa laban ang ating pambato.
Ayon kay Wilbert, napagdesisyunan niyang alisin sa kompetisyon si Herlene dahil sa mga naging problema sa pageant organization.
Nilahad din ni Wilbert na siya’y nasaktan sa nangyari dahil marami ang nasayang, hindi lang daw pera at effort, kundi pati na rin ang kanilang oras.
“For me as, MPP National Director, I an very hurt, Not only we lost a crown, lost of money, lost of effort; but lost of time,” sey niya sa post.
Patuloy pa niya, “This is indeed a traumatic experience for all of us, but we fought for it until the end. And that is our mission.”
Kamakailan lang ay naging usap-usapan sa social media na kanselado na ang kompetisyon sa Uganda matapos maglabas ng pahayag ang dalawang kandidata na sina Miss Czech Republic at Miss Jamaica na sila raw ay na-scam umano ng pageant.
Read more:
Herlene Budol umatras na sa Miss Planet International: ‘This is indeed a traumatic experience…’
Herlene Budol ready na sa Miss Planet International, hiling na makapasok kahit sa semi-finals
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.