Tony Labrusca hinangaan si Herlene Budol: She’s got beautiful lips

INAMIN ng aktor na si Tony Labrusca na hangang-hanga at bet na bet niya ang labi ng Kapuso star na si Herlene Budol.

Sa kanyang naging guesting sa “Fast Talk with Boy Abunda” nitong Huwebes, January 23, natanong siya ni Tito Boy tungkol sa pagsasama nila ng actress-beauty queen.

Para sa mga hindi aware, magkakasama sina Tony at Herlene sa isang Kapuso teleserye na pinamagatang “Binibining Marikit”.

Chika niya, noon pa man ay gusto na talaga niyang makatrabaho ang dalaga.

Baka Bet Mo: Tony Labrusca feeling baguhan pa rin sa showbiz: ‘Sometimes, it can feel like you don’t know why you work so hard’

Bukod pa rito ay inamin ni Tony na talagang ipinagdasal niya ang magkaroon sila ng project together.

Pero kahit ito ang una nilang project together ay hindi naman ito ang unang pagkakataon na nagkita silang dalawa.

“Ewan ko, may something sa energy niya na feeling ko masaya siya kasama, totoo siyang tao, and ngayon, masasabi ko, she’s exactly the way I imagined in my head,” saad ni Tony.

“Na-amaze ako kasi alam mo ‘yung minsan may na-i-imagine ka na tao sa isip mo and Herlene was exactly the way I imagined her so really lovely working with her, she puts everybody in such a good mood,” pagpapatuloy pa niya.

Para rin kay Tony, lovely ang actress-beauty queen “inside and out”.

Nausisa rin ni Tito Boy kung ano ang feautures ni Herlene na kanyang nagustuhan.

“Isa sa mga favorite features ko kay Herlene ay ‘yung labi niya. She’s got beautiful lips,” sey ni Tony.

Dagdag pa niya, “At saka napaka-expressive ng mata ni Herlene. Alam n’yo, kapag nag-eeksena kami, marami siyang emotional na scenes, maraming sinasabi ang mata ni Herlene. Napakaganda ng mata niya.”