Tony Labrusca sa sexy image: Lagi nilang ine-expect maghuhubad ako!

Herlene Budol at Tony Labrusca

MAY negative effect pa rin para sa hunk actor na si Tony Labrusca ang kanyang sexy image dahil sa mga pelikulang kinailangan niyang maghubad at makipag-love scene.

Ilang beses nang nagbida ang aktor sa mga pelikula at TV series na kailangan niyang magpakita ng hubad na katawan at makipaglaplapan sa harap ng  mga camera.

“Alam ko naman Tito Boy na kapag sinasabing Tony, sexy agad ang lumalabas,” ang pahayag ni Tony sa isang episode ng “Fast Talk with Boy Abunda” ng GMA 7.

Natanong siya kung ano ang kanyang pananaw pagdating sa kanyang sexy image bilang isang artista na pinagpapantasyan ng mga kababaihan at kabadingan.

Baka Bet Mo: Andrea del Rosario ayaw maging sexy star noon, pero walang pinagsisisihan

“Yes and no. Kasi parang lagi nilang ine-expect na maghuhubad ako or my sexy angle, which can be good, masaya din naman minsan. Nothing wrong with people thinking you’re sexy,” tugon ng aktor.

Patuloy pa niya, “Pero minsan ang hirap kasi gusto ko rin ng ibang image, so ang hirap kumalas.”

 

View this post on Instagram

 

A post shared by Bandera (@banderaphl)

Samantala, happy naman si Tony dahil isa siya sa napiling maging bahagi ng upcoming Kapuso series na “Binibining Marikit” kung saan makakatambal niya si Herlene Budol.

“Gusto ko talagang makatrabaho si Herlene actually. And ‘yung ganitong show, matagal nang alam ni Lord na gusto ko. I prayed for this,” aniya tungkol sa naturang comedy series.

“Ito ‘yung first time ko siyang makatrabaho at makilala pero may something sa energy niya na feeling ko masaya siyang kasama, totoo siyang tao. And ngayon masasabi ko na she’s exactly the way that I expected,” sey ng binata.

“Herlene is lovely, inside and out,” hirit pa ni Tony.

Magsisimula nang umere ang “Binibining Marikit” sa February 10 sa GMA Afternoon Prime.