Bagyong Paeng magpapaulan sa ‘Undas’, inaasahang tatama sa bahagi ng Luzon

PHOTO: Facebook/Dost_pagasa

INAASAHANG magiging isang typhoon category ang bagyong Paeng sa mga susunod na araw.

“Maaaring mamayang hapon ay lumakas pa ito bilang isang Severe Tropical Storm at bukas ng madaling araw ay lumakas pa ito bilang isang typhoon. Ito’y dahil sa mainit na temperatura ng Philippine Sea,” sey ni PAGASA Weather Forecaster Benison Estareja sa kanyang press briefing ngayong araw, Oct. 28.

Sabi pa ng PAGASA, habang patuloy itong lumalakas ngayong weekend ay nakikitaan din itong magla-landfall sa bahagi ng Central o Southern Luzon.

Ani Estareja, “Pagsapit bukas ng madaling araw, malapit na ito dito sa probinsya ng Catanduanes, maaaring lumapit na dito sa Camarines Sur and Camarines Norte bukas ng umaga hanggang tanghali, then pagsapit po ng hapon ay maaaring mag-landfall ito malapit po dito sa Polillo Islands sa hapon ng Sabado ‘yan hanggang madaling araw ng Sunday dito po sa northern portion ng Quezon at sa may southern portion of Aurora as a typhoon po ‘yan.”

Dahil sa epekto ng bagyo, itinaas na sa “tropical cyclone signal no. 2” ang mga sumusunod na lugar:

LUZON – Catanduanes, Albay, Sorsogon, and the eastern portion of Camarines Sur (Caramoan, Garchitorena, Presentacion, Lagonoy, Goa, San Jose, Tigaon, Iriga City, Saglay, Buhi)

VISAYAS – Northern Samar and the northern portion of Eastern Samar (Jipapad, Arteche, Oras, San Policarpo, Maslog, Dolores, Can-Avid, Taft)

Narito naman ang mga nasa “tropical cyclone wind signal no. 1” na sakop ang Luzon, Visayas at Mindanao:

LUZON – Masbate including Ticao and Burias Islands, Camarines Norte, the rest of Camarines Sur, Romblon, Marinduque, Quezon including Polillo Islands, Laguna, and Rizal

VISAYAS – Samar, the rest of Eastern Samar, Biliran, Leyte, Southern Leyte, and the northern portion of Cebu (Daanbantayan, Medellin, San Remigio, Tabogon, City of Bogo, Borbon) including Bantayan and Camotes Islands

MINDANAO – Dinagat Islands, Surigao del Norte including Siargao and Bucas Grande Islands and the northern portion of Surigao del Sur (Carrascal, Cantilan, Madrid, Carmen, Lanuza, Cortes, City of Tandag, Bayabas, Tago, Cagwait)

Huling namataan ang bagyo sa distansyang 410 kilometers sa silangan ng Borongan City sa Eastern Samar.

May lakas itong hangin na 75 kilometers per hour at bugsong aabot sa 90 kilometers per hour.

Kasalukuyan din itong kumikilos pa-kanluran sa bilis na 15 kilometers per hour.

As of October 28, nag-anunsyo ang Manila International Airport Authority (Miaa) na kanselado ang ilang flights ng CebGo Airlines dahil sa masamang panahon, heto ang listahan:

• DG 6177/6178: Manila-Masbate-Manila

• DG 6179/6180: Manila-Masbate-Manila

• DG 6111/6112: Manila-Naga-Manila

Sinuspinde na rin ng ilang lokal na pamahalaan ang ilang mga klase dahil sa bagyo, narito ang listahan:

ALL LEVELS

• Albay

• Bangsamoro Autonomous Region in Muslim Minadano
  Cotabato City

• Camarines Norte

• Camarines Sur

• Capiz

• Cebu Province
  Argao
  Asturias
  Compostela
  Consolacion
  Liloan
  Mandaue City
  Minglanilla
  Pinamungajan

• Negros Occidental
  Bacolod City
  Victorias City

• Northern Samar

• Samar
  Catbalogan City
  Pagsanghan

• Sorsogon

• Romblon
  Alcantara
  Cajidiocan
  Calatrava
  Corcuera
  Municipality of Romblon
  Odiongan
  San Agustin
  San Fernando
  San Jose
  Santa Fe

SELECT LEVELS

• Cebu Province

• Talisay City  (Preschool to senior high school)

• Samar

• Gandara (Preschool to senior high school)

Read more:

Bagyong Obet tatama sa Batanes o Babuyan Islands, isa pang sama ng panahon binabantayan ng PAGASA

Bagyong Neneng ‘mananalasa’ sa Northern Luzon; 1 pang bagyo sa labas ng bansa binabantayan ng PAGASA

2 patay kay ‘Maymay’; 2 LPA, 1 pang bagyo binabantayan ng PAGASA