SINIBAK ang apat na pulis-Makati na pinaghubad at pinatuwad ang babaeng drug suspect noong isang taon sa loob mismo ng Makati city police headquarters.
Kinilala ni National Capital Regional Police Office (NCRPO) director Chief Supt. Guillermo Eleazar ang mga tinanggal sa tungkulin na si Senior Insp. Valmark Funelas at tauhang sina POs1 Stephanie Limhap, Heizelle Maramag at Francis Intia.
Ang pagsibak sa apat ay utos umano mismo ni Philippine National Police (PNP) chief Director Gen. Oscar Albayalde.
Nabuking ang ginawa ng mga pulis nang ilabas ng ABS-CBN ang video kung saan makikita ang apat na pinagtatawanan ang naarestong drug suspect makaraang paghubarin at patuwarin ang babaeng drug suspect sa harap ng mga kalalakihan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.