Pilita Corrales walang malubhang sakit: ‘She died in her sleep’
Ramon Christopher, Jackie Lou Blanco at Pilita Corrales
SA gitna ng pagluluksa sa pagpanaw ni Asia’s Queen of Songs Pilita Corrales ay “nagpapasalamat” pa rin ang mga anak niyang sina Jackie Lou Blanco at Ramon Christopher.
Walang ibinigay na karagdagang detalye ang magkapatid kung ano talaga ang naging sanhi ng pagpanaw ng kanilang pinakamamamahal na ina sa edad na 87.
Pero ayon kina Jackie Lou, mahina na raw talaga ang kanilang ina, ngunit okay naman daw ang kalagayan nito bago namaalam.
“She died in her sleep actually, which I’m very thankful for because, you know, hindi siya nahirapan, hindi na-hospital, hindi siya in lingering illness, di ba?
“Para sa akin, okay na yun,” ang pahayag ni Jackie Lou sa panayam ng media sa burol ng showbiz icon sa The Heritage Memorial Park sa Taguig City.
Sabi naman ni Monching, “May heart problem ever since, saka lately yung memory ganyan, di ba? Pero healthwise, okay naman siya.”
View this post on Instagram
“But we don’t know if she had an attack during that sleep. We don’t know. But I mean, it doesn’t matter, but we don’t know,” sey uli ni Jackie Lou.
“Hindi na namin inalam. Basta she was sleeping,” pagsang-ayon naman ni Monching.
Nabanggit din ng aktor at tatay ni Janine Gutierrez na ang asawa ni Pilita ang tumawag sa kanila nitong Sabado, April 12 para ipaalam ang malungkot na balita.
“Ang husband po niya si Tito Carlos, at ang isang kapatid namin, mga 2 a.m., tumawag sila. So, pumunta na kami du’n,” ani Monching.
Dugtong ni Jackie Lou, “I had the feeling, sabi ko, ‘Wow, parang they’re not going to call us naman at 2 a.m.. Oh, there’s something, di ba? So, we rushed.”
Dadalawin pa raw sana nila ang ina nitong Lunes, April 14 pero hindi na nga nila ito inabutang buhay.
Sabi ni Monching, kapag binibisita nila ang kanilang nanay, “Hindi namin napag-usapan ang tungkol sa ganito. Kami na lang ang nag-decide kung ike-cremate siya o ganyan, kami na lang ang nag-decide. Wala siyang ganu’n e.”
Naniniwala naman si Jackie Lou na handa na rin si Pilita sa kanyang pamamaalam, “My mom was very prayerful. In this past ano… every Sunday, pumupunta yung priest du’n, and they give her Holy Communion with my stepdad.
“I know she was prepared. She made peace with her Maker, alam ko yun. Because my mom is very prayerful, very spiritual,” aniya.
Napaluha naman si Jackie Lou nang tanungin kung may nais pa ba siyang sabihin sa ina sa pagpanaw nito, “Just to tell her how much I love her, and to thank her for everything.
“And to tell her that I will continue to honor her by the way I work, the way I live, by telling people how wonderful she is, and just to say thank you, thank you so much for bringing up me and Mond the best way she could.
“I will miss her so much. I will miss how wonderful she smells. She smells so good,” ang emosyonal pang mensahe ni Jackie Lou kay Pilita.
Pagpapatuloy pa niya, “But she lived the best life, and I would give a standing ovation to her.
“For everything that she’s achieved in her career, in the way na she carried herself, with always so much grace despite minsan nahihirapan, minsan may mga trials.
“She would always say, ‘Tomorrow is another day. Ang problema nandiyan, minsan nandiyan ang solusyon, minsan wala. But in the meantime, and you know, hold your head high and do the best that you can,”” dugtong ng aktres.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.