Vice Ganda pumalag sa intrigerang asar kay Esnyr: Evil!

UMALMA ang Unkabogable Star na si Vice Ganda sa chikang naaasar siya sa content creator at kasalukuyang “Pinoy Big Brother Celebrity Collab” housemate na si Esnyr.

Ito ay may kaugnayan sa umano’y hindi pagpunta ng content creator sa mga events kung saan ini-invite siya ng “It’s Showtime” host.

Viral kasi ngayon sa social media ang isang video kung saan makikitang nagbabahagi si Vice ng kanyang thoughts tungkol sa naturang housemate.

“Si Esnyr? Tho pag may event ako, ini-invite ko siya pero hindi naman siya pumupunta. Yung UnkabogaBALL ko ilang beses ko rin siya ini-invite pero hindi siya pumupunta.

Baka Bet Mo: Vice Ganda niligawan ng ilang partylist pero ligwak agad, pinili Angkasangga

 

View this post on Instagram

 

A post shared by Bandera (@banderaphl)

“Tsaka hindi kami masyadong nagkakasama eh. Wala kaming masyadong relationship pa pero of course I’m very proud of Esnyr. Brilliant,” saad ni Vice sa naturang video.

Ngunit tila may ibang layunin ang netizen na nag-post ng naturang video na para bang balak nitong sirain ang magandang samahan na pwedeng mabuo sa pagitan ng dalawang mahuhusay na komedyante.

Naka-cut kasi ito at hindi ang buong context ng video ang ipinakita. Mukhang may netizen na nagtanong kung close si Vice kay Esnyr lalo na’t marami sa mga beki sa entertainment industry ang talagang malalapit sa kanya.

Makikita nga sa comment section ng naturang post ang pahayag ng Unkabogable Star hinggil sa isyu.

“You intentionally did not post the whole video with it’s full context to create controversy and issues that will create negativity. Evil!” sey ni Vice Ganda.

Marami naman ang sumuporta sa kanya at sinabing may mga bashers talaga na gagawin ang lahat para gumawa ng away o isyu na wala namang katotohanan.

Samantala, minsan nang inamin ni Esnyr noon sa mga housemates na dumating siya sa puntong puro trabaho ang inaatuoag para lamang mabayaran ang utang ng kanyang ama.