Kim Chiu palihim na tumatawa sa paghihiwalay nina Gerald at Maja

BREAK na sina Maja Salvador at Gerald Anderson. Alam na namin ‘yan. Nasulat na namin ‘yan.

Ang hindi namin alam ay napakahusay palang magtago ng sikreto nitong si Boy Abunda who unabashedly shared on Aquino & Abunda Tonight na matagal na nilang alam na break na sina Gerald at Maja, about seven weeks ago na nilang alam ang break-up but out of respect sa magdyowa ay hindi nila ito ibinandera sa kanilang evening program, maging sa The Buzz.

Imagine, Boy could have out-scooped all the movie reporters but he didn’t bother to touch it. Going back, Boy held for long the secret wedding of Kris Aquino and James Yap.

After all, it happened in his house in Quezon City, not once but twice. To ensure na hindi lalabas ang balita, he had all his househelps take a short vacation, sila-sila lang ni Kris and their common friends ang nasa bahay noong ikinasal ang Queen of Talk kay James.

Boy never did reveal na sa bahay nila ikinasal sina James at Kris. He felt he can be trusted with the secret. Ayaw niyang sa kanya lumabas ang balita.

But eventually, lumabas din ang chikang sa bahay ni Boy ikinasal ang magsing-irog noon. Loyalty? Meron si Boy no’n! After all, being loyal to Kris has given him so many opportunities, ‘wag na nating isa-isahin.

Going back to the break-up, Gerald, seemingly pissed off, initially denied that he and Maja have reached Splitsville, only to admit it later, itinaon pa sa presscon ng kanyang bagong soap opera.

Call it perfect timing. Siyempre nga naman, merong pag-uusapan. He’s asking for respect, eh, we feel na sa denial niyang ginawa noong una, eh, karespe-respeto ba ‘yon?

Marami ang natuwang fans ni Kim Chiu siguro sa balitang hiwalay na sina Maja at Gerald. Sa tindi ng sakit na pinagdaanan ni Kim when she was dumped by Gerald in favor of Maja ay tiyak na palihim na nagbubunyi ang favorite leading lady ni Xian Lim.

Imagine, best friend ni Kim si Maja and she was the last one to know yata na dyowa na nito si Gerald. Hindi ba’t napakasakit no’n, Kuya Eddie? Anyway, may na-realize lang kami.

Parang blast in the past ang nangyari. Noong presscon ng Ina, Kapatid, Anak, lumabas ang tunay na nararamdaman ni Kim when she took a swipe at Maja dahil nga nalaman niyang dyowa na ito ni Gerald.

A few years later, ang relasyon naman nina Gerald at Maja ang nasira at timing ang confirmation ng actor na hiwalay na nga sila ng dalaga dahil nangyari ito sa presscon ng latest soap nila.

Talk about gimik and perfect timing!!!