Lady Gaga, Blackpink Rosé naki-join sa bagong music video ni Bruno Mars
PHOTO: Screengrab from Instagram/@brunomars
TRENDING sa social media, lalo na sa YouTube, ang latest music video ni Bruno Mars para sa kantang “Fat, Juice & Wet” ka-collab ang American rapper na si Sexyy Red.
Nagkaroon kasi diyan ng surprise appearance ang dalawang bigating international stars na sina Lady Gaga at Rosé ng Blackpink!
Mapapanood sa music video na matchy-matchy pa ang apat sa kanilang suot at super enjoy na nagsasayaw.
As of this writing, dalawang araw pa lang uploaded ang video at ito ay umaani na ng halos 2 million views sa YouTube.
Bukod diyan ay kasalukuyan itong nasa Top 9 ng “Trending for Music” ng nasabing video-sharing platform.
Recently lamang nang ilabas at maging hit ang latest collaboration nina Bruno at Rosé na “APT.”
Ito ang prerelease single ng Korean star para sa nakatakda niyang first-ever solo full album.
Dahil sa “APT,” ang dalawang singer ay tumanggap ng “Global Sensation Award” na kauna-unahang MAMA trophy ng Filipino-American hitmaker at isang makabuluhang milestone sa kanyang pagpasok sa K-pop world.
Maaalala rin na nagkaroon ng collab si Bruno with Lady Gaga at iyan ang “Die with a Smile” na ni-release noong August last year.
Nanguna pa nga ito sa ilang streaming platforms sa unang linggo ng pagka-release ng kanta, kabilang na riyan ang pagiging number three sa Billboard Hot 100 chart.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.