David Licauco inireklamo sa barangay dahil sa ‘ding-dong ditch’
David Licauco
TULAD ng karaniwang kabataan, naranasan din ng Kapuso actor na si David Licauco ang mapabarkada at maireklamo ng kapitbahay.
Inamin ni David na nabarangay din siya noong kanyang kabataan dahil sa kapilyuhan kasama ang kanyang mga kaibigan.
Naichika ito ng binata sa panayan sa kanya ng “Kapuso Mo, Jessica Soho” nang matanong kung may “kasalanan” siyang gustong ikumpisal.
“Nabarangay po ako dati, when I was 14 years old. Alam n’yo po yung ding-dong-ditch? Magdi-ding-dong ka sa isang bahay, tapos tatakbo ka,” kuwento ng aktor kay Jessica Soho.
“Kasama ko ‘yung mga barkada ko, sa isang bahay lang po kami nag-door bell for three days.
View this post on Instagram
“And then, on the fourth day, nakaabang na ‘yung mga barangay sa village,” pagpapatuloy pang pagbabahagi ni David.
Hindi naman daw sila pinarusahan o kinasuhan sa ginawa nila sa bahay ng kanilang kabarangay, sa katunayan, natawa na lang daw ang mga barangay officer sa kanila.
Pero sey ni David, “Nahuli nga po kami ng barangay. That was so bad, wag niyong gagawin ‘yun.
“I’m really sorry, I know that was wrong, now that I’m older. I’m really, really sorry,” paulit-ulit na sabi ni David.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.