Imee Marcos sinabing nahihirapan, PBBM hindi na makausap
AYAW nang palakihin ni Senator Imee Marcos ang hindi pagbanggit sa kanya ni Pangulong Ferdinand “Bongbong” Marcos Jr., sa campaign rally ng Alyansa Para sa Bagong Pilipinas sa Trece Martires City, Cavite, araw ng Biyernes.
“Yung tungkol sa rally na hindi na ako binanggit, okay lang. Eh tiisan tayo wala tayong magawa tutal sinabi ko naman mula’t sapul, baka mauwi ito sa away-away ng dalawang panig,ayoko maipit,” sabi ng senadora.
Aniya nahihirapan din siya dahil hindi na nakakausap ang nakakabatang kapatid dahil diumano may humaharang.
Baka Bet Mo: Imee Marcos sa pag-aresto kay Duterte: Hindi ito hustisya, ito’y pang-aalipin
View this post on Instagram
Nanindigan ang senadora na tutukan ang pag-aresto kay dating Pangulong Rodrigo Duterte.
Nilinaw niya na walang mga personalidad sa kanyang paninindigan at ito ay dahil nakataya na ang soberenya ng Pilipinas.
“This is way past Marcoses or Dutertes or politics or the elections. This is really the most important argument,” saad pa nito.
Kabilang si Marcos sa 12 na kandidato sa pagka-senador ng Alyansa, na ineendorso ng kanyang kapatid.
Hindi naman itinatanggi ni Marcos na malapit siya sa mga Duterte.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.