Mga butas sa Duterte arrest nasilip sa Senate hearing – Bato
HINDI maitatanggi na tadtad ng mga iregularidad at paglabag sa batas ang pag-aresto kay dating Pangulong Rodrigo Duterte.
Ito ang sinabi ni Sen. Ronald “Bato” dela Rosa base sa mga naging testimoniya ng mga opisyal ng gobyerno sa pagdinig ng Senate committee on foreign affairs kamakailan.
“Ako’y nagpapasalamat pa rin sa hearing na ginawa ni Sen. Imee (Marcos) dahil at least, nabuksan ‘yung issues na gusto nating masagot.
“Maraming mga nakita pa din doon na nilabag nila sa mga provision ng batas. At least nabigyan ng linaw ‘yung mga iniisip natin,” sabi ni Dela Rosa.
Kuwestiyonable aniya ang pagpayag ng gobyerno na arestuhin si Duterte base sa utos ng International Criminal Court (ICC).
“Ang question na lang diyan, ‘yung cooperation nating kung bakit tayo nag-cooperate based doon sa Interpol diffusion notice nila. So ano ba? Kaya pala tayong diktahan ng Interpol?” tanong ni Dela Rosa.
Dagdag pa niya, halata na ginamit lang na palusot ang Interpol notice para madala sa The Netherlands ang dating pangulo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.