Sunshine Cruz tinamaan ng autoimmune disease na myasthenia gravis
NA-DIAGNOSE ang aktres na si Sunshine Cruz ng autoimmune disease na tinatawag na myasthenia gravis – isang karamdaman na nakakaapekto sa muscles ng katawan.
Ito ang rebelasyon ni Sunshine matapos rumampa sa “Body of Work” underwear fashion show na ginanap sa Mall of Asia Arena nitong nagdaang Biyernes, March 21.
Ayon sa isang health website, ang myasthenia gravis ay autoimmune condition na nagdudulot ng paulit-ulit na panghihina ng muscles lalo na ng talukap ng mata, pagkilos ng mata, lalamunan, leeg, at braso.
Ang MG ay karaniwang nagsisimula sa mga babaeng 20-40 years old, o sa mga lalaking 60-70 years old. Sa MG, ang neuromuscular junction (NMJ) ang inaatake ng antibodies ng immune system.
Hinaharang ng antibodies ang signal mula sa nerve papuntang muscle. Hindi tuloy makagalaw ng tama ang muscle kaya nagiging mahina.
In fairness, hindi halatang may problema pala sa kanyang kalusugan ang hot mama nang irampa na niya sa runway ang suot niyang red two-piece bikini. At isa siya sa mga nakatanggap ng malakas na palakpak at sigawan mula sa audience.
View this post on Instagram
Sa kanyang Instagram account, ibinahagi ng celebrity mom kung paano nakaapekto sa naging preparation niya ang iniindang autoimmune disease para sa naturang fashion event.
“It’s been a real roller coaster these past months. I was diagnosed with an auto immune disease called myasthenia gravis which has made building muscle a real struggle. But I’m so thankful for the strength I’ve found,” ang bahagi ng post ng aktres.
“Walking for Bench was a powerful reminder of what’s possible even when things are tough,” aniya pa sa kanyang post.
Nagbigay din ang 47-anyos na aktres ng mensahe para sa mga kapwa niya nanay at sa mga Generation X members.
“To all my fellow moms and Gen Xers, never give up on your dreams,” sey ni Shine.
Sa isang hiwalay na IG post, nagpasalamat din si Sunshine sa kanyang fitness coach na si Iya Ruff na katuwang niya sa pagpe-prepare para sa “Body of Work.”
.
Sa huli, nagbahagi rin siya ng mensahe ng pasasalamat kay Ben Chan, ang nasa likod ng naganap na star-studded underwear fashion show.
“Thank you Sir @bcbench for making mine a reality. I’m so honored to be part of the Bench family. The show was incredible. Everyone was amazing!” aniya.
Siyanga pala, nakita rin namin ang partner ngayon ni Shine na si Atong Ang na nanood sa “Body of Work” para magbigay ng suporta sa pagrampa ng aktres.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.