AC Bonifacio kinuwestiyon ang pagiging ‘genuine’, bet nang i-evict
TILA marami sa mga netizens ang kumukuwestiyon sa Star Magic artist na si AC Bonifacio kung genuine ba ang ugaling ipinapakita nito sa loob ng Bahay ni Kuya.
Isa ang dalaga sa mga official celebrity housemates na kabilang sa pinakabagong edisyon ng “Pinoy Big Brother: Celebrity Collab”.
May mga netizens kasi na hindi nagugustuhan ang mga aksyon at paraan ng pakikitungo ni AC sa mga kapwa niya housemates.
Sa ngayon nga ay viral ang aktres dahil may mga nakakapansin na hindi siya nagpapakatotoo sa loob ng bahay.
Baka Bet Mo: AC Bonifacio muntik nang mag-quit sa showbiz; todo pasalamat kay Darren
View this post on Instagram
Noong nagkaroon kasi ng pagpupulong ang mga Kapamilya housemates kung sino ang kanilang bibigyan ng immunity sa mga Sparkle artists ay iginiit ni AC na hindi deserving si Ashley para rito dahil pakiramdam niya ay “fake” ang ipinapakita nito sa mga housemates.
Ngunit tila nakonsensya ang dalaga sa kanyang mga sinabi dahil nang magkaroon ng bagong mga duo ay si Ashley ang kanyang naging kapareha.
Amin ni AC, sobra siyang nasorpresa nang sila ang maging magka-duo at napi-feel bad siya sa kanyang mga binitawan.
“I just feel bad kasi nagulat talaga sila [Kapamilya housemates] when I opened up, when I said that about you that I don’t feel like you are genuine.
“Nagulat talaga sila kasi they don’t know that it’s like that. I’m sorry,” umiiyak na napayakap si AC.
Naiintindihan naman ni Ashley ang sitwasyon at sinabing ok lang sa kanya ang mga nangyari.
“I really appreciate you, telling me that. And don’t feel like just because you’re being paired with me that you have to say just because you said that inside the room… Some of the housemates might not like my attitude and I’m ready to accept that,” sey naman ni Ashley.
Sa kabila ng pagkakaayos nina AC at Ashley ay marami pa rin sa mga netizens ang napataas ng kilay sa pangyayari.
“I binge-watched PBB from ep. 1 last night. And I must say, AC Bonifacio is the last person I expected to be this polarizing. I don’t know if its just the editing but she’s becoming the villain of this season. She keeps having a one-sided beef with a lot of HMs which is very bad game for her,” saad ng isang netizen.
Comment naman ng isa, “‘Yung sinasabihan mo ‘yung iba ng fake at hypocrite pero dapat pala sa salamin ka tumingin. Palabasin na ‘yan.”
“hindi pa siguro aware tong AC Bonifacio na panget ugali niya,” sey naman ng isa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.