Mavy Legaspi goodbye na sa PBB Collab; Ashley Ortega napaiyak
Mavy Legaspi at Ashley Ortega
NAGWAKAS na ang pagiging host-mate ng Kapuso star na si Mavy Legaspi sa “Pinoy Big Brother Celebrity Collab Edition” nitong nagdaang Biyernes.
Ilang araw ding nanatili sa Bahay ni Kuya ang kakambal ni Cassy Legaspi kung saan mas nakilala pa niya ang ugali at personalidad ng bawat celebrity housemates.
Siyempre, super happy and thankful din siya sa chance na ibinigay sa kanya ni Kuya para makasama sa loob ng Big Brother house ang kanyang girlfriend at isa sa mga housemates na si Ashley Ortega.
Sa episode last Friday ng “PBB Celebrity Collab Edition” ipinatawag nga ni Kuya si Mavy sa confession room at sinabihang may 100 minuto na lamang siya para makasama ang housemates.
“I’m just grateful sa mga housemates na nakilala ko po. They’re really special people. Mami-miss ko sila,” ani Mavy.
View this post on Instagram
Ngunit sinabihan siya ni Kuya na hindi dapat malaman ng mga kasamahan niya sa loob ang tungkol sa kanyang pag-alis. At nang matapos na ang kanyang oras, tumayo si Mavy at nagpasalamat sabay paalam.
“I enjoyed my time with you, guys. Maraming salamat. Ito ‘yung totoong task. My task is out there pero nung binigay ni Kuya ‘tong task sa akin, nagulat ako, obviously, wala akong damit, wala akong ni-pack. I have zero regrets the first night,” ang pahayag ni Mavy.
“Can’t wait to see you at the outside world. Hugs for you, guys. I’m so excited for your journey. I’ll be rooting for each and every one of you. I’ll really gonna miss you, guys,” dugtong niya.
Samantala, nagkaroon din siya ng chance na makapagpaalam kay Ashley na hindi napigilan ang maging emosyonal nu’ng mga sandaling iyon.
“I’m actually so lucky na you get to stay here, hon, I didn’t expect naman na you’re gonna be here for a while. I’m happy you enjoyed here honey,” sey ni Ashley.
Mensahe naman ni Mavy kay Big Brother, “Siyempre Kuya mami-miss ko sila pero nararamdaman ko Kuya na it’s a start of another beautiful beginning po. Thank you for the opportunity po. Nag-enjoy po ako. Maraming salamat po, Kuya.”
Nang makaalis na si Mavy sa Bahay ni Kuya, at tuluyan nang naiyak si Ashley, “I’m so happy and so grateful and so lucky na nakasama ko siya here sa loob ng house. First few days ko dito siyempre may mga adjustments na kailangan gawin.
“I felt more comfortable because I know he’s here. I know he’s around. Masakit na umalis talaga siya dito,” pagbabahagi pa ng Kapuso star.
Isa si Mavy sa mga host ng iconic reality show at naging house guest nga pansamantala bilang parusa nang matalo sila ng kanyang mga co-host sa ginawa nilang task kasama sina Gabbi Garcia, Melai Cantiveros, at Alexa Ilacad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.