AC Bonifacio umaming nagkakamali rin: Tao lang din po, I’m not perfect
AC Bonifacio
“NOW you guys know me as a human being na nagkakamali rin.” Ito ang bahagi ng naging pahayag ni AC Bonifacio patungkol sa ilang araw niyang pagtira sa Bahay ni Kuya.
Nitong April 11, 2025, isa sa mga featured Star Magic artists si AC sa Star Magic Spotlight presscon kung saan ibinahagi niya ang kanyang karanasan sa loob ng Bahay ni Kuya pati na ang ilan sa kanyang mga exciting and upcoming projects.
Si AC, na unang nakilala bilang isang dance prodigy, versatile actress, at recent housemate sa “PBB Celebrity Collab Edition”, ay nagbahagi ng kanyang karanasan sa harap ng ilang members ng entertainment media.
“In that house, we were able to really
form a genuine new bond, and if we had any issues, kinoconfront po talaga namin, and we would fix it right on the day, right on the spot, para the next day—new day, restart for us housemates.
“So, regrets, wala po. I made good, good, good connections that I will bring out
here to the outside world,” aniya nang matanong kung nagsisisi ba siya na pumayag maging housemate sa Big Brother house.
View this post on Instagram
Ibinahagi rin ni AC ang mga reflections and realizations niya pagkalabas ng “PBB”, “Now, you guys know me as a human being na nagkakamali rin. Na I’m not perfect. Na may mga times na I accidentally say things that I have no intention of it being a bad way.
“But know that I am trying to be better, and ‘m really taking in all your concerns and comments,” sabi ng dalaga.
Bukod sa pagiging dancer at singer, may bagong acting project ding aabangan kay AC. Kasama siya sa cast ng “The Four Bad Boys and Me”, kung saan gagampanan niya ang role bilang si
Tiffany na ipalalabas na very soon.
“I really want you to see the movie. Super cute. Ang daming nangyayari, super fun lang, and I’m sure you guys will love it. It’s a good cast, a good story, so I’m sure it’s something people will really choose to watch and love,” saad ni AC.
Sa pagtatapos ng presscon, nag-iwan si AC ng message para sa kanyang mga tagahanga, “I just want to say, maraming, maraming salamat.
“It’s been a good welcome to the outside world—me as an artist and as a human being. You guys are helping me grow, and I want to thank you for that. For all the love and all the hate, I’m going to be better for you guys,” aniya.
Sa pagpapakatotoo ni AC on and off camera, dumami rin ang mga sumusuporta sa kanya at ang mga bagong oportunidad. Isang dahilan kung bakit mas hinahangaan pa siya ngayon ng madlang pipol.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.