AC Bonifacio kabado kay Bianca de Vera, awkward dahil kay Harvey Bautista?
MAY mabubuo kayang tensyon sa pagitan ng Star Magic artist na si AC Bonifacio sa pagsasama nila ng kapwa Kapamilya artist na si Bianca de Vera?
Parehas kasing kabilang ang dalawa bilang official housemates sa pinakabagong edisyon ng “Pinoy Big Brother: Celebrity Collab”.
Base sa mga kumakalat na video clips mula sa livestream ng naturang reality show ay tila nagulat si AC matapos makita ang pinakabagong makakasama nila na pumasok nitong Martes, March 18.
Matapos nga nito ay isang pasabog ang naispluk ng dalaga tungkol kay Bianca.
Baka Bet Mo: AC Bonifacio kinuwestiyon ang pagiging ‘genuine’, bet nang i-evict
View this post on Instagram
Pambubuking kasi ni AC, ex-dyowa ni Bianca ang kanyang current boyfriend na si Harvey Bautista.
Sinabi niya ito sa mga kapwa housemates para hindi magtaka ang mga ito kung sakaling maging “off” ang pagsasama nilang dalawa.
“She is my boyfriend’s ex, like before me. And I honestly have no problem with her,” lahad ni AC sa ibang housemates.
Kahit ok sila ay aminado siyang hindi sila nag-uusap ni Bianca tungkol kay Harvey.
“I told you guys naman in the first place that I don’t want to be in this house faking it. I don’t want to be in this house na nakikipagplastikan talaga and she’s really one of those people that I was really nervous about to see in this house,” pagpapatuloy ni AC.
Isa pa ngang pasabog na chika ng dalaga ay ang pag-amin raw ni Bianca na TOTGA o The One That Got Away niya si Harvey.
“Me and and my guy started dating, she was going around telling friends na ‘Ah, si ano is my TOTGA'” kuwento pa ni AC.
Pakiramdam rin niya ay baka isipin ng tao na siya ang nagsisimula ng drama sa loob ng Bahay ni Kuya.
Sey naman ng kanyang ka-duo na si Ashley Ortega na dapat ay lapitan at kausapin niya si Bianca tumgkol rito.
Kaya naman marami sa netizens ang nakatutok ngayon dahil tila exciting ang mga susunod na pangyayari sa biggest collab ng Ignacia at Kamuning.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.