MMDA ipinatupad ang ‘30-minute break’ para sa traffic enforcers, street sweepers
INQUIRER file photo
DAHIL sa tumataas na heat index sa Metro Manila, pati na rin sa ilang bahagi ng bansa, ang Metropolitan Manila Development Authority (MMDA) ay magpapatupad na ng 30-minute breaks para sa mga field personnel.
Kabilang na riyan ang traffic enforcers at street sweepers na madalas na nagtatrabaho sa ilalim ng araw.
Para sa kaalaman ng marami, ang “heat index” ay ang init na nararamdaman sa katawan ng tao.
Narito ang schedule from MMDA para sa mga naka-duty na traffic enforcers:
5 a.m. to 1 p.m. shift – 10 a.m. to 10:30 a.m.; or 10:30 a.m. to 11 a.m.
Baka Bet Mo: DOH nagbabala sa heat-related illnesses dahil sa mataas na ‘heat index’
6 a.m. to 2 p.m. shift – 11 a.m. to 11:30 a.m.; or 11:30 a.m. to 12 noon
1 p.m. to 9 p.m. shift – 2:30 p.m. to 3 p.m.; or 3 p.m. to 3:30 p.m.
2 p.m. to 10 p.m. shift – 3 p.m. to 3:30 p.m.; or 3:30 p.m. to 4 p.m.
Heto naman ‘yung mga oras na pwedeng magpahinga ang street sweepers:
6 a.m. to 2 p.m. shift – 11 a.m. to 11:30 a.m.; or 11:30 a.m. to 12 noon
7 a.m. to 4 p.m. shift – 12 noon to 1 p.m. (regular break time)
11 a.m. to 7 p.m. shift – 2:30 p.m. to 3 p.m.; or 3 p.m. to 3:30 p.m.
Ayon sa pahayag ng MMDA, ang nasabing kautusan ay nagsimula na nu’ng Lunes, March 3, at ito ay mananatiling epektibo hanggang sa katapusan ng buwan.
“Under the heat stroke break policy, on-duty traffic enforcers and street sweepers are allowed to leave their posts in shifts to rehydrate, seek shelter from the sun, and take a 30-minute break to avoid heat stroke,” paliwanag sa inilabas na statement.
Paliwanag pa, “In order to avoid heat exhaustion, heat stroke, and/or heat cramps, field personnel could also take an additional 15-minute break time in case the heat index in Metro Manila reaches 40 degrees Celsius and above.”
Kamakailan lang, naitala ng Philippine Atmospheric, Geophysical and Astronomical Services Administration’s (PAGASA) ang heat index na 46°C noong Lunes (March 3) at Martes (March 4).
Noong Miyerkules (March 5) naman, apat na lugar ang nasa “danger” category na may heat index na 42°C at 51°C.
Ayon sa weather bureau, ang “danger” category ay nasa pagitan ng 42°C to 51°C na pwedeng magdulot ng heat cramps, heat exhaustion at heatstroke.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.