Sharon umalma sa mga fake news laban kay Kiko: Nega at may malisya

Sharon Cuneta at Kiko Pangilinan

HINDI na nakapagpigil si Megastar Sharon Cuneta at talagang inalmahan na ang mga naglalabasang fake news tungkol sa asawang si Kiko Pangilinan.

Kaliwa’t kanan na raw kasi ang kumakalat na mga pekeng balita sa social media patungkol kay Kiko na tumatakbo uling senador ngayong darating na May, 2025 elections.

Idinaan ni Sharon ang paglalabas ng kanyang saloobin hinggil dito sa pamamagitan ng isang video statement na in-upload sa iMPACT Leadership Facebook page.

Ayon kay Mega, matagal niyang pinag-isipan kung papatulan pa ba niya ang mga paninira sa kanyang asawa.

Baka Bet Mo: Nadine Lustre na-bad trip sa nagsabing cheater ang dyowa: ‘Di ba siya pwedeng magka-friends na girls? Di ko kaya backwards mentality mo teh!’

“E, wala hong tigil ang mga tsismis na peke naman tungkol sa kanya lalo ngayon na siya ay tumatakbo ulit para senador.

 

View this post on Instagram

 

A post shared by Sharon Cuneta (@reallysharoncuneta)

“E, ang lakas po ng impluwensiya ng social media ‘di ho ba? Lalo na ngayon at lalo na kapag nega at may malisya,” simulang pahayag ni Sharon.

Ipinunto pa ng TV at movie icon, “Ayon po sa mga social scientists, kapag daw ang isang kasinungalingan o fake news ay paulit-ulit pong pinagkalat at paulit-ulit pinakita sa inyo o sa taong-bayan, maya-maya po, aba’y, mayroon na pong maniniwala.”

Nanindigan pa si Sharon na puro pekeng balita ang binabato laban kay Kiko. Aniya, sa mahigit tatlong dekada nilang pagsasama, napatunayan na niyang isa itong mabuting asawa at ama.

“Kapag siya po ay nangako talaga pong harangan man ng sibat kailangan tuparin niya. Gano’n po siya sa amin. Nagawa na niya at gagawin po niya ulit,” ang pahayag pa ni Sharon Cuneta.