Dingdong Dantes feeling lucky kay Charo: Grabe, sobrang hanep talaga!
Dingdong Dantes at Charo Santos
“NAPAKA-PROFESSIONAL, napakagaling, talagang wow!” Ganyan inilarawan ni Kapuso Primetime King Dingdong Dantes ang award-winning actress na si Charo Santos-Concio.
Bibida sina Dingdong at Charo sa pelikula ng ABS-CBN Productions, Star Cinema, Cornerstone Studios at AgostoDos Pictures, na may working title na “Love After Love” mula sa direksyon ni Irene Villamor.
Puring-puri ni Dong ang veteran actress at dating Presidente at CEO ng ABS-CBN sa unang pagkakataon ng kanilang pagsasama sa pelikula.
“Grabe, sobrang hanep talaga! Napaka-professional, napakagaling, talagang wow!” ang sabi ng Kapuso superstar sa panayam ng ilang members ng media after ng pagpirma niya uli ng kontrata bilang celebrity ambassador ng Mesa resto.
Baka Bet Mo: Toni Gonzaga nakipag-meeting kay Charo Santos, babalik na sa ABS-CBN?
Dagdag pa niyang pahayag patungkol kay Charo, “Alam naman natin na she’s a pillar in this industry. Ako, I look up to her, at talagang nasabi ko, ‘Wow, ‘yun pala ‘yung dahilan bakit ‘yung decades of hard work niya ay nakikita ko ngayon, unfolding right in front of my eyes.'”
Feeling lucky and grateful din ang husband ni Marian Rivera na nabigyan siya ng chance na makatrabaho ang isang movie icon na tulad ni Charo Santos.
Paglalarawan pa niya sa naging experience niya working with Charo, “Ay, grabe, kakaiba! Sabi ko nga, napakaswerte ko na makasama lang sa kahit ganitong room si Ma’am Charo, much more makasama siya sa pelikula.
View this post on Instagram
“Bawat moment na nag-uusap kami, ang dami ko talagang natututunan sa kanya. She really inspires me because of the stories na napagdaanan niya.
“Lahat ng experiences, at pinakamahalaga doon ‘yung makita ko firsthand ‘yung kanyang talent—’yung makakaeksena mo siya,” sey pa ni Dong.
Ayaw munang magdetalye ng actor at TV host tungkol sa kuwento ng pelikula pero aniya, “It will tackle so many aspects of love, relationships, friendships…basta! Ayoko magbigay ng masyadong details, but very interesting talaga ‘yung kwento ng dalawang characters.”
At sa tanong kung kailan ito ipalalabas, “Very soon! This year ang plano na maipalabas siya, hopefully in the cinemas.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.