Fan ni Belle Mariano niresbakan ni Robi Domingo, nagbabala ng legal action
Robi Domingo, Donny Pangilinan, Belle Mariano, Freddie Garcia, Kathryn Bernardo at Eugene Domingo
“BEAST mode” ang Kapamilya TV host na si Robi Domingo nang pagbantaan siya ng isang basher patungkol sa pagbabalik ng “Pilipinas Got Talent” sa ABS-CBN.
Si Robi ang magiging host ng “PGT Season 7” kasama ang TV host-comedienne na si Melai Cantiveros.
Makakasama nila sa programa bilang “power judges” sa bagong season ng “PGT” sina Donny Pangilinan, Kathryn Bernardo, Freddie “FMG” Garcia at Comedy Star For All Seasons na si Eugene Domingo.
Sa kanyang Instagram page, ipinost ni Robi ang ilang litrato niya kasama si Melai at ilang staff ng “PGT” na kuha sa studio ng ABS-CBN.
Baka Bet Mo: Pokwang sa basher ng anak: Dami mong alam! Kahit ‘di magsuklay maganda yan at wala ka nu’n PAKIALAMERA!’
Aniya sa caption, “From being a fan to now being part of this legendary show—what a dream come true! Honored to be here alongside an amazing team.”
Mensahe pa ng premyadong TV host, “Pilipinas, let’s celebrate talent like never before. The stage is set!”
Sa comments section ng kanyang IG post, isang basher ang nang-urot kay Robi na lantarang nagbanta sakaling tuksuhin o ipares niya si Donny kay Kathryn.
“@iamrobidomingo ay subukan mo lang na i-match si @donny at @bernardokath ready ready and solid supporters ni Belle Mariano na ibash ka mula ulo mo hanggang paa.
View this post on Instagram
“WAG MO ITOLERATE yung KA LANDIAN ng peste mong kaibigan,” ang matapang na komento ng hater.
Hindi naman ito pinalampas ni Robi at talagang sinupalpal niya ito. Bwelta ng TV host, “Can I consider this as a threat? Can I take legal actions against this? I don’t tolerate this behavior.”
Nauna rito, may mga kumalat na chika na may plano umano ang mga bossing ng Kapamilya Network na pagtambalin sina Donny kay Kathryn sa next projects nila.
Ayon pa sa chika, ang ka-loveteam naman ni Donny na si Belle Mariano ay ipa-partner sa anak nina Mikee Cojuangco at Dodot Jaworski na si Robbie Jaworski na pumirma na rin ng kontrata sa Star Magic.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.