McCoy sa pagkatsugi ni Irma sa BQ: Isa na namang ka-loveteam ko ang nawala
McCoy De Leon at Irma Adlawan
PINATUNAYAN ni McCoy de Leon na sobrang naging close sila ng seasoned actress na si Irma Adlawan nang dahil sa Kapamilya series na “FPJ’s Batang Quiapo.”
Talaga namang nagmarka sa mga manonood ang karakter nina Irma at McCoy sa nangunguna pa ring teleserye ng ABS-CBN na pinagbibidahan ng award-winning actor na si Coco Martin.
Pinusuan at umani ng positibong comments mula sa netizens ang appreciation post ni McCoy para kay Irma na tuluyan nang nagpaalam sa nakaraang episode ng “FPJ’s Batang Quiapo.”
Sa kanyang Instagram account, ibinahagi ng aktor ang ilang litrato nila ng premyadong aktres kung saan sinabi nitong kahit palaging magkaaway ang kanilang mga karakter sa serye ay nakabuo naman sila ng magandang friendship sa tunay na buhay.
Baka Bet Mo: #Anyare: McCoy de Leon binura lahat ng litrato sa Instagram, pero may isang tinirang ‘alaala’
“Isa na namang loveteam ko sa Batang Quiapo ang nawala hehe. Kahit magkaaway kami lagi sa palabas sobrang lab ko yan pag walang camera. Miss u ate @irma_mahlee,” ang caption ni McCoy sa kanyang IG post.
Sumagot naman si Irma sa post ni McCoy at sumang-ayon sa sinabi nito, “Awwwww… totoo!!! Cya ang kaaway Ko na MAHAL NA MAHAL SA AKIN.”
View this post on Instagram
“Missing having scenes with you!Mumultuhin nanlang kita sa office Ko!” ang dagdag pang sey ng aktres.
Narito ang ilang reaksyon ng mga netizens palitan ng mensahe nina Irma at McCoy.
“Sino kaya ang tatapos kay David?”
“Ang galing nyo pareho. Inis na inis ako sa inyong dalawa.”
“You learn a lot from her diba ?ang husay nyong dalawa.”
“Laban sa acting. McCoy is one of the serious and great actors of the Philippine Cinema.”
“Dalawang napakagaling na artista @mccoydeleon @irma_mahlee.”
“Ha,ha,ha….husay nyo David & Olga.”
“Sana ikaw na david ang susunod na mawala.”
Kung matatandaan, na-shock ang manonood nang biglang patayin ang karakter ni Irma sa “Batang Quiapo” matapos siyang barilin ni Marites played by Cherry Pie Picache.
Balitang ang susunod na raw na papatayin sa serye ay ang karakter ni McCoy. Trulili kaya? Abangan na lang natin ang susunod na pasabog!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.