BINI may bonggang pasabog kay Vice Ganda, nagpa-block screening
NAGPA-BLOCK screening ang mga miyembro ng Ppop girl group na BINI ng pelikulang “And The Breadwinner Is” para magbigay suporta kay unkabogable Star na si Vice Ganda.
Naganap ang naturang block screening sa isa sa mga sinehan sa Cubao, Quezon City na dinaluhan nina Maloi, Aiah, Jhoanna, at Mikha.
Ayon sa panayam ni MJ Felipe sa isa sa mga member na si Jhoanna, gusto raw talaga niyang mapanood ang pelikula ni Vice ngunit kinakailangan niyang umuwi sa probinsya para mag-celebrate ng Pasko kasama ang kanilang mga pamilya.
Baka Bet Mo: BINI Sheena trending, nag-mukhang Laida Magtalas version 2.0?
View this post on Instagram
Kuwento naman ni BINI Maloi, napanood na raw niya ang pelikula ni Vice noong Pasko.
“Actually napanood ko na po ang ‘And The Breadwinner Is…’ noong December 25 din, nung pagka-release kasi gustong-gusto ko suportahan si Meme Vice and kaya ko ire-rewatch kasi worth it and I think makaka-relate talaga kaming BINI since most of us mga breadwinner and iiyak kayo [BINI], lalo ka na [BINI Jhoanna],” saad ni Maloi.
Nagulat naman ang BINI nang bigla silang bisitahin ni Vice pagkatapos ng block screening at niyakap ang apat.
Labis naman ang pasasalamat ni Vice sa suporta ng mga girls sa pelikula at ipinahayag na importanteng napanood nila ang “And The Breadwinner Is…”
“I’m very thankful na napanood nila. Ine-explain ko sa kanila how important it is for them to see this movie, kasi napakaraming breadwinners ang kumakapit sa kanila ngayon.
“Dinudugtungan nila ‘yung buhay ng maraming breadwinners. Nagtatanggal sila ng pagod ng napakaraming nagpapakahirap na hardworking na breadwinners kasi kino-congratulate ko silang lahat,” lahad ni Vice.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.