Carlos, Jaclyn, BINI, Nash pasok sa 2024 Top Google Search ng Pinoy

Jaclyn Jose, Carlos Yulo, Nash Aguas at Mika dela Cruz

PASOK na pasok ang 2-time Olympic gold medalist na si Carlos Yulo, ang yumaong premyadong aktres na si Jaclyn Jose at One Direction member na si Liam Payne sa top Google searches ng mga Pinoy ngayong 2024.

Inilabas ng search engine giant na Google ngayong araw, December 11, ang mga nanguna sa top searches ng mga Pinoy ngayong 2024.

Nanguna sa Top 10 searches ng mga Filipino across all categories ang terminong “heat wave” habang ang salitang “climate change” naman ay nasa Number 6 spot. Ibig sabihin, talagang nakabantay ang mga Pinoy sa lagay ng panahon.

Nasa ikalawang puwesto naman ang pangalan ng yumaong movie icon na si Jaclyn Jose, na sumakabilang-buhay noong Marso, 2024.

Baka Bet Mo: Marco Gumabao ninega ng netizen na galing google ang caption, pinagtanggol ng madlang pipol: ‘Inggit ka lang kasi wala kang jowa’

Pumangatlo ang salitang “Olympics” at ikaapat naman si Carlos Yulo na talaga namang nag-ingay nang bonggang-bongga nang manalo ng dalawang gintong medalya sa 2024 Paris Olympics at ang kontrobersiya sa kanyang pamilya.

Nasa ikalimang puwesto ang international film na “Inside Out 2” kung saan maraming naka-relate sa mga bagong karakter sa movie.

Dahil sa kasikatan ng terminong AI, lumanding sa 7th spot ang “Character Ai,” habang ang pagpanaw ni dating One Direction member na si Liam Payne ang nasa ika-8 puwesto.

Magkasunod sa ika-9 at ika-10  puwesto naman ang “AI detector” at “Gemini.”

Overall Top Trending
1.    heat wave
2.    Jaclyn Jose
3.    Olympics
4.    Carlos Yulo
5.    Inside Out 2
6.    climate change
7.    Character AI
8.    Liam Payne
9.    AI detector
10.  Gemini

Narito ang Top 5 searches for Male Personality:

1. Carlos Yulo
2. Nash Aguas
3. EJ Obiena
4. Donald Trump
5. Rico Blanco

Top 5 searches for Female Personality

1. BINI
2. Charlie Dizon
3. Alice Guo,
4. “Inside Out 2” character Ennui
5. Mika dela Cruz.