Jodi Sta. Maria hindi sinukuan ang love; ayaw na sanang mag-horror pero…
Juan Karlos at Jodi Sta. Maria
IBINANDERA ng award-winning Kapamilya actress na si Jodi Sta. Maria na hanggang ngayon ay hindi pa rin niya sinusukuan ang pag-ibig.
Sa naganap na grand mediacon ng latest horror movie ng Regal Entertainment, ang “Untold” na pinagbibidahan nga ng aktres ay napag-usapan ang tungkol sa kanyang lovelife.
Ito’y dahil na rin sa nakakaintrigang pahayag ng co-star ni Jodi sa “Untold” na si Ms. Gloria Diaz na inilarawan siya bilang “woman in love” nang magbigay sila ng paunang mensahe sa press.
Sa Q&A portion, natanong ang veteran actress at dating Miss Universe kung ano ang ibig sabihin niya ng “woman in love” nang i-describe niya si Jodi.
“She’s in love with her work, with our movie,” ang sagot ng beterana at premyadong aktres. Nang piliting mag-explain nag-dialogue na lang siya ng, “She will share it.”
Pero mabilis na sagot ni Jodi, “I don’t think so, kaya nga untold.”
Hanggang ngayon ay hindi pa rin diretsahang kinukumpirma o dinedenay ni Jodi ang tungkol sa rumored relationship nila ng aktor na si Raymart Santiago.
View this post on Instagram
Paliwanag naman ni Jodi, “Alam mo, I’m the type of person na kung titingnan mo, yung social media ko, makikita mo du’n, lover of life.
“I am in love with life in general. And if you’re going to ask me about that, I would say na yun nga, tulad ng sabi ko, nasa social media ko iyan, I’m a lover of life. So I am in love na,” aniya pa.
Nang pilitin uli siyang magsalita kung romantically in love siya, “I was asked that question before, and I’ve also answered that question before din na ako naman yung type of person who never loses faith in love. Yun lang po.
“Napakaimportante ng love in all aspect. Hindi lang ito limited sa romantic relationships, but also friendships, also love for work, love for career. In the general aspect also,” sey ng aktres.
Samantala, gagampanan ni Jodi sa “Untold” ang karakter ni Vivian Vera, isang fake news peddler na mumultuhin ng kanyang nakaraan at manggugulo sa kasalukuyan.
Sabi ng direktor ng pelikula na si Derick Cabrido, ang nagdirek din sa award-winning at blockbuster movie na “Mallari”, tanging si Jodi lang daw ang naisip niya na pwedeng magbida sa bago niyang pelikula.
Unang nagkatrabaho ang dalawa sa horror flick din na “Clarita”. Kuwento ni Jodi, “Sa totoo lang, after Clarita, binalak kong tigilan na gumawa ng horror movies. It took 6 years, nu’ng nag-pitch muli sa akin si Direk Derick.
“Ewan ko ba, sabi ko na lang, ‘sige, direk, pag-usapan natin. Nung mabasa ko na yung script, I cannot out it down! Nagustahan ko talaga because it is something different,” sey ng aktres.
Nabanggit din niya na dream come true para sa kanya ang “Untold” dahil matagal na niyang wish na makagawa ng movie sa Regal Entertainment. Knows daw kasi niya na number one ang Regal sa horror genre.
Sabi nga ng Regal Entertainment executive na si Keith Monteverde, happy and proud siya sa bagong obra ni Direk Derrick Cabrido, “The cast is super good and Direk Derick did a great job putting the film together.”
Ka-join din sa “Untold” sina Joem Bascon, Juan Karlos Labajo, Lianne Valentin at Sarah Edwards. R-13 without cuts ang rating ng MTRCB sa pelikula na showing na sa mga sinehan simula sa April 30.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.