‘Budoy’ stars Jessy at Gerald magre-reunion sa ‘Nobody’ ng ABS-CBN
Jessy Mendiola at Gerald Anderson
TULOY na tuloy na ang inaabangang acting comeback ng Kapamilya star na si Jessy Mendiola sa upcoming action-drama series ng ABS-CBN na “Nobody.”
Ilang taon ding nagpahinga sa showbiz si Jessy dahil mas pinili muna niyang mag-concentrate sa kanyang pamilya, lalo na sa pag-aalaga sa panganay nila ni Luis Manzano na si Baby Peanut
Makakasama ni Jessy sa nakakaintrigang proyekto tungkol sa katapatan at integridad ang lead star nitong si Gerald Anderson.
Huling nagkasama ang dalawa sa teleseryeng “Budoy” kung saan gumanap si Jessy bilang si Jackie na best friend at love interest ni Budoy (Gerald).
Ang “Nobody” ang unang TV project ng aktres pagkatapos niya muling pumirma ng kontrata sa talent management arm ng ABS-CBN na Star Magic noong Hulyo.
Baka Bet Mo: ‘Budoy’ ginagamit ng bashers para insultuhin si Gerald: Paano n’yo nagagawa yun?
Ilan sa mga pinagbidahan niyang programa sa telebisyon ang “Maria Mercedes,” “Sabel,” “Precious Hearts Romances Presents: Paraiso,” at “You’re My Home” at naging regular cast din siya ng comedy program na “Banana Sundae.”
View this post on Instagram
Huli siyang napanood sa teleseryeng “Sandugo” taong 2019.
Isa ang “Nobody” sa mga inaabangang Kapamilya serye na malapit nang ipalabas sa telebisyon.
Pangungunahan ito nina Benedict Mique at Rae Red bilang direktor at ipoprodyus sa ilailim ng JRB Creative Production.
Bukod kina Gerald at Jessy, makakasama rin sa latest action-drama series ng ABS-CBN si JC De Vera.
Abangan ang magiging papel ni Jessy sa “Nobody” na siguradong ikagugulat ng kanyang mga fans na matagal nang naghintay sa pagbabalik niya sa pag-arte.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.