Max Collins sa future dyowa: Sorry guys, ayoko na ng artista, magulo!
Max Collins
KUNG siya lamang ang masusunod, ayaw nang magkadyowa ng Kapuso actress na si Max Collins ng artista o sinumang taga-showbiz.
Hangga’t maaari raw ay mas gusto niyang magka-boyfriend nang non-showbiz para iwas-intriga at tsismis.
Sa guesting ni Max sa “Fast Talk with Boy Abunda” natanong siya kung anu-ano bang qualities ang hinahanap niya ngayon sa isang lalali na posibleng pumasa sa kanyang panlasa.
“Non-artista. Ayoko na ng artista. Sorry guys. Ayoko na ng artista. I don’t know, magulo.
“Parang magulo ang buhay. Magulo ang buhay ‘pag artista. Because I feel like you’re so used to being in the spotlight and being in dramas na nadadala mo siya sa totoong buhay. Ayoko nang ganoon,” pahayag ni Max.
Sinubukan daw ng aktres na makipag-date noon pero hindi ito nagtuluy-tuloy. Sa ngayon daw ay mas gusto muna niyang i-enjoy ang pagiging single kasama ang anak nila ng dati niyang asawang si Pancho Magno.
View this post on Instagram
“Sometimes they say, maghanap ka ng rich man. I mean, you know, that’s the quote-unquote, the princess fairy tale. Ako, I want to be the rich man.
“So ako yung rich man. So I’m not looking for anyone to complete me. Of course, buo ka. Yeah, so it’s just if someone can add value to my life, then go,” sabi pa ni Max.
Isa raw sa pinakamahalagang aspeto na titingnan niya sa susunod na karelasyon ay ang pagtrato ng guy sa kanya bilang single mom at sa anak niyang si Skye.
“There’s a lot of things involved, I feel. There’s a lot of things, like the way I’m treated. That’s a big thing for me, that if somebody who really loves me would really take into consideration my career, my son, a lot of things,” ani Max.
At sa tanong kung handa na ba siyang magmahal uli, “I don’t know about super ready. I feel like I’m open to it.”
Willing to wait din daw siya sa pagdating ng kanyang Mr. Right, “I feel like the more you’re searching for it, the more it won’t find you.”
Ito naman ang message niya sa kanyang future dyowa, “You better keep up.”
Ikinasal sina Max at Pancho noong 2017 at last year nga ay kinumpirmang hiwalay na sila ng asawa. Kasalukuyang pinoproseso na sa Amerika ang kanilang divorce.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.