Vice Ganda nag-sorry sa GMA exec na si Annete Gozon-Valdes, anyare!?

Annete Gozon-Valdes at Vice Ganda

AGAD-AGAD na nag-sorry ang Phenomenal Box-Office Star na si Vice Ganda kay GMA Pictures President Atty. Annette Gozon-Valdes.

Nangyari ito habang umeere ang “EXpecially For You” segment nila sa “It’s Showtime” kung saan special guest ang Kapuso actress na si Rita Daniela.

Sa halip kasi na ang news program ng GMA 7 na “24 Oras” ang kanyang binanggit ay ang “TV Patrol” ng ABS-CBN ang nasabi ng TV host-comedian.

Baka Bet Mo: Tambalang Kim Chiu-Xian Lim posible nang mapanood sa GMA 7; Anne emosyonal sa pagbabalik-Kapuso

Napansin at pinuri kasi ni Vice ang timbre ng boses ni Rita habang nagsasalita ito sa isang bahagi ng kontrobersyal na “EXpecially For You”.

 

View this post on Instagram

 

A post shared by JoseMarieViceral / Vice Ganda (@praybeytbenjamin)

Sabi ni Vice, “Ang ganda ng boses nito. Bakit hindi ka mag-TV Patrol? Pero ikaw ‘yung nagre-report.”

Komento pa ng co-host niyang si Jhong Hilario, “Puwede sa Star Patrol!”

Kasunod nito, bigla ngang naisip at binanggit ni Vice Ganda ang “24 Oras” ng Kapuso Network sabay tanong kay Jhong kung bakit hindi ang news program ng GMA 7 ang nabanggit nila.

Baka Bet Mo: Tanong ng netizens, lilipat na rin ba si Anne Curtis sa GMA 7?

Sabay humirit si Vice ng, “Ma’am Annette, I’m sorry!” Sinundan na ito ng malakas na tawanan nina Vice, Jhong, Rita at iba pang host ng Kapuso at Kapamilya noontime show.

 

View this post on Instagram

 

A post shared by JoseMarieViceral / Vice Ganda (@praybeytbenjamin)

Reaksyon naman ni Karylle, puwede naman daw mag-“excuse me” na lang si Vice Ganda on air sa halip na sorry dahil sa hindi niya pagbanggit sa news program ng GMA.

Sagot ni Vice, “Baka mabawi ‘yung imbitasyon natin sa GMA Gala. Masasayang ‘yung gown na pinagawa ko.”

Last year ay dumalo rin ang mga host ng “It’s Showtime” sa GMA Gala Night at inaasahang rarampa uli ang mga ito sa pangunguna nina Vice, Anne Curtis at Vhong Navarro ngayong 2024.